Ya Ten na Myen Tai Hpyen kaw na KIO/KIA hte Jinghpaw Wunpawng Amyu Sha ni hpe shamyit kau na Masing kaba.
October 29 ya shani Naypyidaw a Simsa lam tam ningbaw san tawn sai Brig. General Thein Zaw kaw na KIO Ningbaw Kaba Lanyaw Zawng Hra hpe laika shagun ai hta lawm ai madung lachyum gaw, ya ten Myen Asuya hte Wa, Sam, Karen, Mon laknak hpung ni simsa lam hpe hkrum shaga hpang nga sai KIO/KIA ni hku nna mung ya byin nga ai hpyen majan hta grau sawng ai majan masing hpe nhkrup sha mayu yang lawan Asuya masing jahkrat nga ai simsa lam hta hkansa galaw mu ngu ai rai nu ai.
KIO Ningbaw kaba kaw na November 1, 2011 ya shani bai laika htang ai hta.
(1) Mungdan ting simsa lam galaw sa a lu na hpe kam ai lam.
(2) Shaning grai na wa sai ndai dinghku majan hpe hpa-ran na matu gaw maren mara ahkaw ahkang hta npawt tawn nhtawm mung masa bawngban hpang wa ra ai lam.
(3) Mungdan Asuya kaw nna Mung masa mayak langai hpe hparan sa wa na ngu ai hkamla ai lam hte hparan jahkrup sa wa nhtawm shada kam hpa ai lam hpe gaw de sa wa ging ai lam.
(4) Mung masa manghkang hpe majan hte dawdan ai nre sha mung masa mahtai tam bawngban jahkrup yang chyu sha tut nawng simsa lam maibyin lu na hpe kam sham ai lam.
(5) Myenmung Ethnic ni hte Asuya lapran dinghku majan byin nga ai lam hpe tengman ai myit hte npawt gawn nhtawm simsa lam tam wa ai ten hta raitim yawng hpe maren mara jahkrup yang htaphtuk manu ai lam ni ka htang dat ai lam chye lu ai.
Myen Asuya hku nna dingman ai lam hte amyu bawsang ni hpe maren mara mung masa ahkaw ahkang jaw na policy ntawn da ai zawn mung masa simsa lam bawngban na matu myit galu kaba hte yaw shatawng shada ai lam tsep kaw nnga ai lam gaw asan sha dan dawng nga sai. Thein Zaw wa a laika hpe KIO/KIA ni nlu la shi ai kaw na Jinghpaw Wunpawng BGF hte Pyithutsit ni hpe KIO/KIA hpe ninghkap shangun ai lam sha n-ga majan masing ni hpe mung jau tau jahkrup bawngban tawn chyalu re hpe chye lu ai.
Thein Zaw wa a laika shagun ai October 29, 2011 ya shani nan Pe-gu kaw na Div 88(Tatma) hpe Jinghpaw mung de shalun hpang nga sai. Matut nna Div 44,66,77 ni hpe mung sa taw nga sai hpe kam ram ai shiga lawk kaw na chyelu ai. Ngu mayu ai gaw Myen Asuya kaw nna Thein Zaw a laika hte Hpyen hpung kaba hpe kalang lata rau jinghpaw mung de sa nhtawm jinghpaw mahpaw yawng hpe sat shamyit na masing rai nga ai hpe asan sha chye lu nga sai.
November 1, 2011 ya shani Myitkyina masha ni hpe shaup kau lu na matu Electric Power line hpe Myen hpyen dap kaw na shawng kapaw di kaw ai hpe mung mu chye ai mare masha ni kaw na chye lu ai.
November 2, 2011 ya shani kaw na Div 88 hpyen hpung ni gaw Myitkyina sinpraw hkran de hpyen hpung kaba hte Gumra dap ni hpe jahpawt hkying 1:00 am kaw na mali hka sharap nga sai lam mung chye lu ai.
Myen Hpyen ni a masing gaw shara magup KIO/KIA ni hpe gasat matep na masing hte KIO/KIA ginjaw hpe lung hpya na masing gaw ya ya nan hpang nga sai hpe chye lu ai. ndai majan gaw simsa lam tam ai majaw kasat ai majan ngu tsepkap nmai tsun sai..Tatma 3-4 lang nna gasat ai majan gaw Dinghku majan madang hta jan mat nga sai sha n-ga Amyu langai hpe shamyit kau na masing kaba hta jan nna kaga myit mak nga na lam nnga sai.
Jinghpaw Wungpawng Amyu sha yawng ndai ten hta dum hprang ra sai lam gaw..KIO/KIA ngu ai nnga mat nna Jinghpaw Wunpawng Amyu sha ni a Amyusha ahkaw ahkang hpe Myen ni ap ya na rai ma ai kun? kadai hpe ap ya na rai ta? Jinghpaw Wunpawng Amyu sha ni mung masa the mung masa hku nna htawm hpang prat hkrat sum wa ai rai yang Ya Myen Hpyen ni hpe garum la nga ai BGF, Pyithutsit hpung ni ningbaw ningla ni hta labau hka kap wa na re hpe gaw asan sha dum hprang tawn ra na ga ai.
Daini anhte Jinghpaw Wunpawng Amyu sha ni yawng Myithkrun kahkyin gumdin nhtawm anhte amyu sha ni hpe sat shamyit hkyen nga ai Mung maden Tai Hpyen ni hpe anhte a lamu ga kaw na lahkrip ra ra jawm gasat gawt shapraw na matu mahtang rawt sa wa saka, htawm hpang anhte myit malai ai ten ndu lu na matu ya jang hpyen hpe jawm gasat saka.. Myo kata nga ai ni mung Porter hprawng hkawm na malai hpyen ni a laknak hpe kashun la nhtawm Myo kata kaw nan majan hpyenman hpaw gasat hpang wa ra sai.
Ndai daram kaba ai Myen Hpyen hpung hpe gasat dang mala kau lu na matu Hpan Karai kaw na shaman chyeju hte chyu sha mai byin ai majaw Mungdan kata shinggan Jinghpaw Wunpawng Amyusha yawng mung ya ten hta hputdi ra ai aten rai nga saka ai, Lusha gam akyu hpyi nhtawm Karai Kasang kaw na mauhpa chyeju hkam la lu na matu mung ndai ten ahkyak nga saka ai.
Myen mungdan a mung masa sat lawat mahkrum madup hte maren ya majan gaba hte Jinghpaw hpe shamyit na masing gaw Jinghpaw Wunpawng Amyu sha malawng a matu Chyoi Pra ai shata lahkawng laman (Nov-Dec)Jinghpaw Mung shawa hpe shagri brep hkra galaw nhtawm KIO/KIA n-gun kya ai ten hta shanhte ra ai hku Jinghpaw Wunpawng Amyusha hte mungdan hpe up hkang lu na matu jahtum chyalai n-gun kaba dat nga ai lam re hpe asan sha mu mada nga sai.Anhte Wunpawng amyu sha ni hku nna yawng myit mada ai Amyu sha ahkaw ahkang hpe galaw la na mung ndai ten ahkyak dik ladaw langai rai nga saga ai, ndai ten myithkrum kahkyin gumdin nhtawm shakut ai nrai yang htawnghpang na manghkang hpe hparan lu na matu gaw grau yakhkak mat wa na re majaw ndai ten hta tinang du nga ai shara kaw na Amyu sha lawt lu lam hpe tinang dangdi lu ai atsam hte shang lawm let Mung maden hpyen kaba hpe jawm gasat awng dang la na ten rai sai lam tang shana dat nngai rai.
Malizup Baren Ninggawn
November 2, 2011
October 29 ya shani Naypyidaw a Simsa lam tam ningbaw san tawn sai Brig. General Thein Zaw kaw na KIO Ningbaw Kaba Lanyaw Zawng Hra hpe laika shagun ai hta lawm ai madung lachyum gaw, ya ten Myen Asuya hte Wa, Sam, Karen, Mon laknak hpung ni simsa lam hpe hkrum shaga hpang nga sai KIO/KIA ni hku nna mung ya byin nga ai hpyen majan hta grau sawng ai majan masing hpe nhkrup sha mayu yang lawan Asuya masing jahkrat nga ai simsa lam hta hkansa galaw mu ngu ai rai nu ai.
KIO Ningbaw kaba kaw na November 1, 2011 ya shani bai laika htang ai hta.
(1) Mungdan ting simsa lam galaw sa a lu na hpe kam ai lam.
(2) Shaning grai na wa sai ndai dinghku majan hpe hpa-ran na matu gaw maren mara ahkaw ahkang hta npawt tawn nhtawm mung masa bawngban hpang wa ra ai lam.
(3) Mungdan Asuya kaw nna Mung masa mayak langai hpe hparan sa wa na ngu ai hkamla ai lam hte hparan jahkrup sa wa nhtawm shada kam hpa ai lam hpe gaw de sa wa ging ai lam.
(4) Mung masa manghkang hpe majan hte dawdan ai nre sha mung masa mahtai tam bawngban jahkrup yang chyu sha tut nawng simsa lam maibyin lu na hpe kam sham ai lam.
(5) Myenmung Ethnic ni hte Asuya lapran dinghku majan byin nga ai lam hpe tengman ai myit hte npawt gawn nhtawm simsa lam tam wa ai ten hta raitim yawng hpe maren mara jahkrup yang htaphtuk manu ai lam ni ka htang dat ai lam chye lu ai.
Myen Asuya hku nna dingman ai lam hte amyu bawsang ni hpe maren mara mung masa ahkaw ahkang jaw na policy ntawn da ai zawn mung masa simsa lam bawngban na matu myit galu kaba hte yaw shatawng shada ai lam tsep kaw nnga ai lam gaw asan sha dan dawng nga sai. Thein Zaw wa a laika hpe KIO/KIA ni nlu la shi ai kaw na Jinghpaw Wunpawng BGF hte Pyithutsit ni hpe KIO/KIA hpe ninghkap shangun ai lam sha n-ga majan masing ni hpe mung jau tau jahkrup bawngban tawn chyalu re hpe chye lu ai.
Thein Zaw wa a laika shagun ai October 29, 2011 ya shani nan Pe-gu kaw na Div 88(Tatma) hpe Jinghpaw mung de shalun hpang nga sai. Matut nna Div 44,66,77 ni hpe mung sa taw nga sai hpe kam ram ai shiga lawk kaw na chyelu ai. Ngu mayu ai gaw Myen Asuya kaw nna Thein Zaw a laika hte Hpyen hpung kaba hpe kalang lata rau jinghpaw mung de sa nhtawm jinghpaw mahpaw yawng hpe sat shamyit na masing rai nga ai hpe asan sha chye lu nga sai.
November 1, 2011 ya shani Myitkyina masha ni hpe shaup kau lu na matu Electric Power line hpe Myen hpyen dap kaw na shawng kapaw di kaw ai hpe mung mu chye ai mare masha ni kaw na chye lu ai.
November 2, 2011 ya shani kaw na Div 88 hpyen hpung ni gaw Myitkyina sinpraw hkran de hpyen hpung kaba hte Gumra dap ni hpe jahpawt hkying 1:00 am kaw na mali hka sharap nga sai lam mung chye lu ai.
Myen Hpyen ni a masing gaw shara magup KIO/KIA ni hpe gasat matep na masing hte KIO/KIA ginjaw hpe lung hpya na masing gaw ya ya nan hpang nga sai hpe chye lu ai. ndai majan gaw simsa lam tam ai majaw kasat ai majan ngu tsepkap nmai tsun sai..Tatma 3-4 lang nna gasat ai majan gaw Dinghku majan madang hta jan mat nga sai sha n-ga Amyu langai hpe shamyit kau na masing kaba hta jan nna kaga myit mak nga na lam nnga sai.
Jinghpaw Wungpawng Amyu sha yawng ndai ten hta dum hprang ra sai lam gaw..KIO/KIA ngu ai nnga mat nna Jinghpaw Wunpawng Amyu sha ni a Amyusha ahkaw ahkang hpe Myen ni ap ya na rai ma ai kun? kadai hpe ap ya na rai ta? Jinghpaw Wunpawng Amyu sha ni mung masa the mung masa hku nna htawm hpang prat hkrat sum wa ai rai yang Ya Myen Hpyen ni hpe garum la nga ai BGF, Pyithutsit hpung ni ningbaw ningla ni hta labau hka kap wa na re hpe gaw asan sha dum hprang tawn ra na ga ai.
Daini anhte Jinghpaw Wunpawng Amyu sha ni yawng Myithkrun kahkyin gumdin nhtawm anhte amyu sha ni hpe sat shamyit hkyen nga ai Mung maden Tai Hpyen ni hpe anhte a lamu ga kaw na lahkrip ra ra jawm gasat gawt shapraw na matu mahtang rawt sa wa saka, htawm hpang anhte myit malai ai ten ndu lu na matu ya jang hpyen hpe jawm gasat saka.. Myo kata nga ai ni mung Porter hprawng hkawm na malai hpyen ni a laknak hpe kashun la nhtawm Myo kata kaw nan majan hpyenman hpaw gasat hpang wa ra sai.
Ndai daram kaba ai Myen Hpyen hpung hpe gasat dang mala kau lu na matu Hpan Karai kaw na shaman chyeju hte chyu sha mai byin ai majaw Mungdan kata shinggan Jinghpaw Wunpawng Amyusha yawng mung ya ten hta hputdi ra ai aten rai nga saka ai, Lusha gam akyu hpyi nhtawm Karai Kasang kaw na mauhpa chyeju hkam la lu na matu mung ndai ten ahkyak nga saka ai.
Myen mungdan a mung masa sat lawat mahkrum madup hte maren ya majan gaba hte Jinghpaw hpe shamyit na masing gaw Jinghpaw Wunpawng Amyu sha malawng a matu Chyoi Pra ai shata lahkawng laman (Nov-Dec)Jinghpaw Mung shawa hpe shagri brep hkra galaw nhtawm KIO/KIA n-gun kya ai ten hta shanhte ra ai hku Jinghpaw Wunpawng Amyusha hte mungdan hpe up hkang lu na matu jahtum chyalai n-gun kaba dat nga ai lam re hpe asan sha mu mada nga sai.Anhte Wunpawng amyu sha ni hku nna yawng myit mada ai Amyu sha ahkaw ahkang hpe galaw la na mung ndai ten ahkyak dik ladaw langai rai nga saga ai, ndai ten myithkrum kahkyin gumdin nhtawm shakut ai nrai yang htawnghpang na manghkang hpe hparan lu na matu gaw grau yakhkak mat wa na re majaw ndai ten hta tinang du nga ai shara kaw na Amyu sha lawt lu lam hpe tinang dangdi lu ai atsam hte shang lawm let Mung maden hpyen kaba hpe jawm gasat awng dang la na ten rai sai lam tang shana dat nngai rai.
Malizup Baren Ninggawn
November 2, 2011
No comments:
Post a Comment