KIA, masat (9) dapdung ginra de, Myen asuya, hpyendap ni ginra lai shang wa ai majaw 23 September 2011(Hpan) ya shani hkying 10:16am daram kaw nna Myen hpyen n-gun (200) jan hte KIA, masat (4) dapba npu, masat (9) dapdung ni majan byin ai lam gaw ya ten, laja lana matut byin nga ding-yang rai nga ai lam hpe chye lu ai.
Majan ginra
24 September 2011 (Mashang) ya shani Myen asuya, hpyendap ni kaw nna n-gun laqba hte KIA, masat (4) dapba ginra de hpyen-man (3) hpaw nna htim shang wa ai lam chye lu ai. Myen asuya, hpyendap Sinpraw dingdung hpyen ginra daju (NE RMC)npu, LIB (45),LIB (144),LIB (123), Sinli hkridun MOC – 16 npu, LIB (68), LIB (69), LIR (507), LIR (522),LIB (242),LIR (567) ni hte dapdung yawng (10) pawng nna, hpyen-man lahkawng gaw KIA, masat (9) dapdung ginra de, hpyen-man (1) gaw KIA, masat (2) ginra de htim gasat nga ai lam chye lu ai.
Myen hpyendap ni gaw Dima mare hte Huhpyet mare de na KIA, masat (9) dapdung ginra de laknak kaba ni matut manoi gap bang taw nga ai lam chye lu ai. Dima mare kaw Myen asuya hpyenla ni gaw Nawku Jawng wang, Laika sharin jawng wang, Hpunggyi jawng wang ni hta shara la da ai lam mung chye lu ai.
Majan ginra
24 September 2011 (Mashang) ya shani Myen asuya, hpyendap ni kaw nna n-gun laqba hte KIA, masat (4) dapba ginra de hpyen-man (3) hpaw nna htim shang wa ai lam chye lu ai. Myen asuya, hpyendap Sinpraw dingdung hpyen ginra daju (NE RMC)npu, LIB (45),LIB (144),LIB (123), Sinli hkridun MOC – 16 npu, LIB (68), LIB (69), LIR (507), LIR (522),LIB (242),LIR (567) ni hte dapdung yawng (10) pawng nna, hpyen-man lahkawng gaw KIA, masat (9) dapdung ginra de, hpyen-man (1) gaw KIA, masat (2) ginra de htim gasat nga ai lam chye lu ai.
Myen hpyendap ni gaw Dima mare hte Huhpyet mare de na KIA, masat (9) dapdung ginra de laknak kaba ni matut manoi gap bang taw nga ai lam chye lu ai. Dima mare kaw Myen asuya hpyenla ni gaw Nawku Jawng wang, Laika sharin jawng wang, Hpunggyi jawng wang ni hta shara la da ai lam mung chye lu ai.
KIA, masat (2) dapdung ginra de kaw mung Myen asuya hpyenla ni gaw Kutkai Manje mare kata kaw nna, laknak kaba matut manoi gap nga ai lam chye lu ai. Manje mare kata de Myen asuya hpyenla ni mare tup shara la taw ai majaw KIA hpyenla ni htim gap na yak nga ai lam chye lu ai. Dai majaw KIA, masat (2) dapdung ni gaw Manje mare masha ni hpe 24 September 2011 (Mashang) ya shana maga hkying 3:30 ten jahtum da nna, mare kawn le ya na matu lajin ai hpe mung chye lu ai. Raitim, Myen asuya hpyenla ni gaw mare masha ni hpe mare shinggan de le na ahkang n jaw ai sha mare shinggan le ai ni hpe gap sat na nga nna jahkrit nga ai majaw, mare masha ni grai jamjau nga ai lam hpe mung na chye lu ga ai. Daknai mare hta, Myen asuya hpyenla ni gap ai, laknak kata hkrat bun ai majaw nta shatgawk kaw shat shadu rawng nga ai, Palawng amyu shayi langai si hkrum ai lam mung chye lu ai. Majan kata hkala nba jahpan hpe gaw tuphkrak n chye lu shi ga ai.
http://kachinlandnews.com/?p=20038
http://kachinlandnews.com/?p=20038
No comments:
Post a Comment