MYEN HPYEN NI CHEMICAL WEAPON HTE SHANGLAWT HPE GASAT

Sunday, October 30, 2011

MYEN HPYEN NI CHEMICAL WEAPON HTE SHANGLAWT HPE GASAT

Wunpawng Mungdan Shanglawt Asuya hte(6) ya tup gap hkat ai Ga Ra yang, Shwi Nyawngpin Lung Zep kadawng majan hta myen Asuya hpyen dap hpyen hpung ni gaw hkrat sum ai nau law wa ai majaw Mungkan Ninggawn rap daw kaw na pat tawn da ai Dadu lak nak (chemical weapon) ni hte KIA hpyen hpung ni hpe gap bun ai lam na chye lu ai, myen a prat dep hpuntang (shingchyai) laknak nsa marawp hkrup ai tinang KIA hpyemnla marai 10 daram gaw baw sin, matut manoi madawn ai hte kya gumhpap mat nna nmai gasat mat ai lam na chye lu ai.

Bai, mani Oct. 29 bat kru ya Laiza hte nau ntsan ai Ntap Bum gasat poi hta mung myen hpyen ni gaw shanhte dap ni nau si hkala wa ai majaw Dadu (shingchyai) laknak (chemical weapon) ni hte KIA hpyen hpung ni hpe gap bun ai majaw KIA myu tsaw hpeynla marai 4 daram gaw matut gap nmai hkum ting kya gumhpap mat ai the madawn hkrai madawn rai byin ai lam tatut majan shang nga ai shawng lam ginra de na ni shana wa ai.

Gara hpan ganing re laknak re hpe hkrak nchye tim dai gaw prat dep hpuntang laknak (Chemical Weapon) re hpe asan sha dan dawng nga sai lam hkrum katut ai ni sakse hkam dat wa ai. Ndai zawn n-tara ai ladat hte UN mungkan rapdaw a hpyen ritkawp tara hpe tawt lai ai myen Asuya hpyen dap ni hpe mungkan rapdaw UN kaw na mung, mungkan mungdan shara shagu na ni mung jawm ninghkam mara shagun ra nga sai ngu mu mada ai.


Jinghpaw Kasa Blog kaw na la mara ai re.
http://jinghpawkasa.blogspot.com/