“ မြန်မာ့ ကျောက် စိမ်းစိမ်းလေးတွေ ”

“ မြန်မာ့ ကျောက် စိမ်းစိမ်းလေးတွေ ”

ရေးသားသူ Khin Chowar Win

Kachin Jade

ချစ်သောကမ္ဘာမြေက ပေးအပ်ထားတဲ့ သဘာဝ လက်ဆောင်မွန် အဖိုးတန် ကျောက်မျက် ရတနာ တွေထဲမှာ မြန်မာ့ ဂုဏ်ဆောင်ကျောက်တွေ အထဲက ကျောက်စိမ်း အကြောင်း ပြောပြချင်ပါတယ်။

ကျောက်စိမ်းအကြောင်း ပြောမယ်ဆိုရင် အဓိက မျိုးကွဲ(၂) ခု ရှိပါတယ်။ ဂျေဒိုက်( Jadeite) နဲ့ နက်ဖရိုက်(Nephrite)ပါ။ အဲဒီ နှစ်မျိုးဟာ အမြင်အားဖြင့် ခပ်ဆင်ဆင် တူပေမဲ့ တကယ်တော့ လုံးဝ ကွဲပြားပါတယ်။ အဲဒီ ကွဲပြားမှုကို ပြင်သစ်လူမျိုး သိပ္ပံပညာရှင် ဒမား(Damur) ဆိုသူက စံနစ်တကျ ခွဲခြားပြသခဲ့ပါတယ်။

ဂျေဒိုက်နဲ့ နက်ဖရိုက်တို့ဟာ အသွင်ပြောင်းကျောက်တွေ ရှိတဲ့ ပတ်ဝန်းကျင်မှာ ဖြစ်ပေါ်ခဲ့တဲ့ အရင်းအမြစ် တွေ တူပေမဲ့ တွင်းထွက်အုပ်စုခြင်း မတူကြပါဘူး။ ဂျေဒိုက်ကျောက်စိမ်းဟာ ပိုင်ရော့ဆင်း(Pyroxene) အုပ်စုဝင် ဖြစ်ပြီး နက်ဖရိုက်ကျောက်စိမ်းဟာ အမ်ပီဖိုး(Amphipole) အုပ်စုဝင် တွင်းထွက်တွေ ဖြစ်ကြ ပါတယ်။

 

ဂျေဒိုက်ကျောက်စိမ်းဟာ လက်ယှက်ထိုး ပုံဆောင်ခဲကလေးတွေနဲ့ ဖွဲ့စည်းထားပြီး မျက်နှာပြင်မှာ ကျောက်ပေါက်မာလို ချိုင့်ခွက်ကလေးတွေ၊ အဖုအထစ်ကလေးတွေနဲ့ ပြည့်နေပါတယ်။ အဏုကြည့် ကိရိယာမှန်ဘီလူးနဲ့ ကြည့်ရင် ကောင်းကောင်း တွေ့ရပါတယ်။

 

နက်ဖရိုက်ကျောက်စိမ်းကတော့ လက်ယှက်ထိုး အမျှင်ကလေးတွေနဲ့ ဖွဲ့စည်းထားတာပါ။ အမျှင် အလိုက် အနေအထားရှိပြီး အမဲဆီရောင် တောက်နေတဲ့ ရောင်လက်ရှိပါတယ်။ ဂျေဒိုက် ကျောက်စိမ်းမှာ ခရမ်း၊ အနက်၊ အညို၊ အနီ၊ လိမ္မော်၊ အ၀ါ၊ အဖြူ၊ နို့နှစ်ရောင်နဲ့ အစိမ်းရောင် အမျိုးမျိုးရှိပြီး နက်ဖရိုက် ကျောက်စိမ်းမှာ သစ်ရွက်စိမ်းရောင် အမျိုးမျိုး၊ မီးခိုးနဲ့ အစိမ်းရောင် အမျိုးမျိုးရှိတာ တွေ့ရှိရပါတယ်။

 

ဂျေဒိုက်ကျောက်စိမ်းကို အပူပေးတဲ့အခါ အရည်ပျော်ပြီး ပျော့ဖတ်အဖြစ်ကို အလွယ်တကူ ပြောင်းလဲ သွားပါတယ်။

 

နက်ဖရိုက်ကျောက်စိမ်းကတော့ အလွယ်တကူမပြောင်းလဲတတ်ပါဘူး။ ဒါ့အပြင် ဂျေဒိုက်ကျောက်စိမ်း ရဲ့ ထူးခြားချက်က အပူရှိန်ပြင်းပြီး ကြီးမားသောဖိအားရှိတဲ့ မြေမျက်နှာပြင်ရဲ့ အောက်ဘက် မိုင် ၂၀ က ၃၀ အထိ နက်တဲ့ အလွှာတွေမှာ ဖြစ်ပေါ်လေ့ရှိတာပါ။ ဂျေဒိုက်ကျောက်စိမ်းကို အပေါ်ယံ အခွံ အကာတွေ ဖဲ့ထုတ်လိုက်တဲ့အခါ အစိမ်းရောင် ကျောက်ကြောတွေနဲ့ ပေါင်းစပ်ထားတဲ့ ကျောက်စိမ်းရဲ့ အတွင်းပိုင်းကို မြင်ရပါတယ်။

 

တရုတ်ပြည်မှာ ကျောက်စိမ်းကို လွန်ခဲ့တဲ့ နှစ်ပေါင်း ၄၀၀၀ လောက်က စပြီး အကြီးအကျယ် သုံးစွဲခဲ့ ကြပါတယ်။ အဲဒီခေတ်က တရုတ်လူမျိုးတွေဟာ ကျောက်စိမ်းရုပ်တုတွေကို အဆောင်အယောင်အဖြစ် သုံးစွဲခဲ့ကြပြီး သေသွားတဲ့အခါ အဲဒီကျောက်စိမ်း အဆောင်အယောင်တွေနဲ့ အတူ ဂူသွင်းလေ့ရှိ ပါတယ်။

 

တရုတ်လူမျိုးတွေဟာ ကျောက်စိမ်းကို ကျောက်တွေ အားလုံးရဲ့ အချုပ်အခြာ အကြီးအကဲ ကျောက်မျက် လို့ ယူဆကြပါတယ်။ ကျောက်စိမ်းကျောက်မျက်ကို ဆင်မြန်းသူတိုင်းမှာ သဒ္ဓါ, ရက်ရောခြင်း၊ ရဲစွမ်းသတ္တိနဲ့ ပြည့်စုံခြင်း၊ တရားမျှတတဲ့ စိတ်ဓာတ်ရှိခြင်း၊ မိမိကိုယ်မိမိ နှိမ့်ချတဲ့ နိဝါတ တရားရှိခြင်း၊ အသိ,အလိမ္မာ၊ ဥာဏ်ပညာ ကြီးမြင့်ခြင်းစတဲ့ ဂုဏ်အင်္ဂါကြီးငါးရပ်နဲ့ ပြည့်စုံတယ်လို့ သတ်မှတ်တာပါ။

 

တရုတ်ရှေးဟောင်းပုံပြင် တစ်ပုဒ်မှာ ကျောက်စိမ်းဟာ ကောင်းကင်နတ်မင်းက လူသားတွေ အတွက် ပေးတဲ့ လက်ဆောင်လို့ ဆိုပါတယ်။ ယူဟန်းလို့ ခေါ်တဲ့ ကျောက်စိမ်းနတ်သားဟာ ကောင်းကင်ဘုံ က တောင်ထွတ်ရဲ့ တောင်ခြေမှာ ကျောက်စိမ်းပင်တွေ ပေါက်ရောက်စေတယ်လို့ ယုံကြည်ခဲ့ကြ တာပါ။ တရုတ်တွေရဲ့ တာအို (Taoiam) ဘာသာမှာ ကျောက်စိမ်းကို အဖိုလို့ အဓိပ္ပါယ်ရတဲ့ “ယန်” (Yang) ဆိုတဲ့ စကားနဲ့ ခေါ်ဆိုပါတယ်။

 

တရုတ်ပြည်သူ့ သမ္မတနိုင်ငံ၊ဆင်ကျန်ပြည်နယ်မှာ နက်ဖရိုက်ကျောက်စိမ်းကို ရှေးနှစ်ပေါင်းများစွာ ကပင် တူးဖော်ခဲ့ကြတာပါ။ ဒါပေမဲ့ ဂျေဒိုက်ကျောက်စိမ်း မထွက်ရှိဘဲ နက်ဖရိုက် ကျောက်စိမ်းသာ ထွက်ရှိပါတယ်။

 

ဒါကြောင့် တရုတ်ပြည်ဟာ မြန်မာနိုင်ငံက ထွက်ရှိတဲ့ ဂျေဒိုက်ကျောက်စိမ်းတွေကို ၁၈ ရာစုနှစ်တွေ လောက် ကတဲကပင် ၀ယ်ယူ တင်သွင်းခဲ့ကြရပါတယ်။

 

မြန်မာနိုင်ငံက ထွက်တဲ့ ဂျေဒိုက်ကျောက်စိမ်းဟာ တရုတ်နိုင်ငံက ထွက်တဲ့ နက်ဖရိုက်ကျောက်စိမ်း ထက် ပိုမိုကောင်းမွန်ပြီး ပိုရှားတဲ့ အမျိုးအစား ဖြစ်လို့ပါပဲ။ဒါကြောင့် တရုတ်လူမျိုးတွေရဲ့ ကျောက်စိမ်း ကို အထွတ်အမြတ် တန်ဖိုးထားမှုအရ ကျမတို့ မြန်မာပြည်ကပဲ ထွက်ရှိတဲ့ ဂျေဒိုက်ကျောက်စိမ်းကို မက်မက်မောမော ၀ယ်ယူရင်း ကျောက်စိမ်းဈေးကွက် ကြီးမားလာခဲ့တာပါ။

 

ဂျေဒိုက်ကျောက်စိမ်းကို ဂွာတီမာလာနဲ့ ဆိက်ဗေးရီးယားမှာလဲ တွေ့ရှိရပါတယ်။ နက်ဖရိုက် ကျောက်စိမ်း ကို တရုတ်ပြည် ဟိုတန်ဒေသ၊ ဗြိတိသျှ၊ ကိုလံဘီယာ၊ သြစတြေးလျ၊ နယူးဇီလန်၊ ရုရှား၊ တောင်ကိုရီးယား၊ ဆွစ်ဇာလန်၊ အီတလီ၊ ပိုလန်၊ ထိုင်ဝမ်နဲ့ အလက်စကား၊ ကယ်လီဖိုးနီးယား ဒေသ တွေမှာ တွေ့ရှိရပါ တယ်။

 

သန့်စင်တဲ့ ဂျေဒိုက်ကျောက်စိမ်းရဲ့ စံထားဓာတုဖွဲ့စည်းပုံက ဆိုဒီယမ်၊ အလူမီနီယမ်၊ ဆီလီကိတ် (NaAlSi2O6) ဖြစ်ပါတယ်။ ဆီလီကွန်ဒိုင်အောက်ဆိုဒ် ၅၉.၄ ရာခိုင်နှုန်း၊ အလူမီနီယံအောက်ဆိုဒ် ၂၅.၂ ရာခိုင်နှုန်းနဲ့ ဆိုဒီယမ်အောက်ဆိုဒ် ၁၅.၄ ရာခိုင်နှုန်း ပါဝင်ပါတယ်။

 

ဒါပေမဲ့ အဲဒီအချိုးအတိုင်း ပါဝင်တဲ့ ကျောက်စိမ်းဟာ မရှိနိုင်ပါဘူး။ ဘာလို့လဲဆိုတော့ ကျောက်စိမ်းရဲ့ ဇာကွက် (Lattice) မှာ ဆိုဒီယမ်နဲ့ အလူမီနီယမ်တို့ရဲ့ နေရာကို အခြားအိုင်ယွန် (Iron) တွေက ၀င်ရောက် နေရာယူ အစားထိုးဖလှယ်တာကြောင့် ဖြစ်ပါတယ်။ အစားထိုးဖလှယ်တဲ့ အိုင်ယွန်း ပမာဏက နှစ် ရာခိုင်နှုန်းခန့်သာ ရှိတယ် လို့သိရပါတယ်။

 

အရည်အသွေးကောင်းတဲ့ ကျောက်စိမ်းတွေ ရှားပါးလာတာကြောင့် တချို့က အရည်အသွေးညံ့တဲ့ ကျောက်စိမ်းကို အရောင်ဆိုးပြီး တုပလာကြပါတယ်။ အရင်က ဆေးဆိုး ကျောက်စိမ်းအတုတွေကို လွယ်လွယ်ကူကူ ခွဲခြားနိုင်ခဲ့ပေမဲ့ အခုခေတ်မှာတော့ အသုံးပြုတဲ့ ဆေးအမျိုးအစားတွေ ကောင်းမွန် တဲ့ အတွက် အလွယ်တကူ ခွဲခြားဖို့ မလွယ်တော့ပါဘူး။

 

ကျောက်စိမ်းနဲ့ ဆင်တူတဲ့ အစိမ်းရောင် သဘာဝတွင်းထွက်တွေကတော့ ခရိုင်ဆိုပရေ့ (Chrysoprase) ၊ အစိမ်းရောင်ဆိုးထားတဲ့ မဟူရာဖြူ (Chalcedony) နဲ့ ဆမစ်ဆိုနိုက် ( Smithsonite) တို့ဖြစ်ပါတယ်။ ဆမစ်ဆိုနိုက် တွင်းထွက်ဟာ ပင်ကိုယ်အားဖြင့် ခဲသတ္ထု ထုတ်လုပ်နိုင်တဲ့ ခဲသတ္တုရိုင်း တွင်းထွက် တစ်မျိုးပါ။ ဘိုနမိုက် (Bonamite) လို့ ခေါ်ပါတယ်။

 

ကျမတို့ မြန်မာနိုင်ငံရဲ့ ကျောက်စိမ်းထုတ်လုပ်ရောင်းချမှု သမိုင်းကို ပြန်လေ့လာကြည့်မယ်ဆိုရင် တော်တော် စိတ်ဝင်စားစရာ ကောင်းပါတယ်။ မြန်မာပြည်ရဲ့ ကျောက်စိမ်းရာဇ၀င်က ၁၃ရာစု လောက်က အစပြုခဲ့တာပါ။

 

တရုတ်ယူနန် ကုန်သည်တစ်ဦးက မြန်မာနိုင်ငံမြောက်ပိုင်းမှာ ကျောက်စိမ်းတုံး ကောက်ယူရမိတာ ကနေ မြန်မာနိုင်ငံမှာ ကျောက်စိမ်းရှာဖွေမှု စတင်ခဲ့ပါတယ်။ ဒါပေမဲ့ မအောင်မြင်ခဲ့ကြပါဘူး။

 

၁၇၈၄ခုမှာတော့  ဥရုမြစ်ညာဘက်မှာ တွေ့နိုင်တယ်လို့ ယူနန်တရုတ်တွေ သိလာကြပါတယ်။ (ကျမ တို့ မြန်မာနိုင်ငံ မြောက်လတ္တီတွဒ် ၂၅ ဒီဂရီနဲ့ ၂၆ ဒီဂရီအကြား၊အရှေ့ ဥရုမြစ်ရိုးနဲ့ အနောက် ချင်းတွင်း မြစ်ရိုး အကြား ဒေသတွေဟာ ကျောက်စိမ်းဒေသတွေ အဖြစ် ကမ္ဘာသိ ကျော်ကြားခဲ့တာပါ။)

 

အဲဒီအချိန်က စပြီး တရုတ်ပြည်၊ယူနန်ဘက်ကို ကျောက်စိမ်းတွေ စတင် တင်သွင်းခဲ့ကြတာပါပဲ ။ အမရပူရမှာ ရှိတဲ့ တရုတ်ဘုရားကျောင်း မှတ်တမ်းအရ မြန်မာနိုင်ငံမှာ ကျောက်စိမ်းလာတူးရင်း သေတဲ့ တရုတ်နိုင်ငံသား (၆,၀၀၀)ကျော် ရှိတယ်လို့ မှတ်တမ်းတင်ထားတာ တွေ့ရပါတယ်။

 

မြန်မာဘုရင် ဗဒုံမင်းဟာ အဲဒီအချိန် ကထဲက ကျောက်စိမ်းဈေးကွက်ရဲ့ စီးပွားရေးအရ အရေးပါတာကို သတိပြုမိပြီး ၁၈၀၆ခုက စလို့ မိုးကောင်းမြို့ပေါ်မှာ အကောက်အရာရှိတစ်ဦးနဲ့ တပ်သားသုံးဆယ် ထားရှိ ရောင်းဝယ်စေခဲ့ပါတယ်။ ကျောက်စိမ်းရောင်းရတဲ့ ငွေတန်ဖိုးရဲ့ ၃၃ရာနှုံးကို တရားဝင် အခွန်ကောက်ခဲ့ပါ တယ်။ ဈေးဖြတ်ဖို့အတွက် ရာဖြတ်တစ်ဦးကိုလဲ ထားရှိပေးခဲ့ပါတယ်။

 

ကျမတို့ မြန်မာ့သမိုင်းမှာ လွန်ခဲ့တဲ့ နှစ်ပေါင်း နှစ်ရာကျော်ထဲက နိုင်ငံခြားနဲ့ စီးပွားရေး ဆက်ဆံရာမှာ အကွက်မြင်ပြီး စံနစ်တကျ ထိန်းချုပ် လုပ်ကိုင်နိုင်တဲ့ ဘုရင်တစ်ပါး ရှိခဲ့တာကို ဂုဏ်ယူစဖွယ် တွေ့ရှိရ တာပါ။

 

ကျောက်စိမ်းရောင်းချမှု အမြင့်ဆုံးကာလကတော့ ၁၈၃၀-၄၀ ကာလပါပဲ။ အဲဒီတုံးက ရှမ်းလူမျိုး ၆၀၀ ကျော်၊ တရုတ်လူမျိုး ၈၀၀ကျော်လောက် ကျောက်စိမ်းလုပ်ငန်းမှာ ပါဝင်လုပ်ကိုင်ခဲ့ကြပြီး ထွက်သမျှ ကျောက်စိမ်းကို တရုတ်ပြည်၊ ယူနန်ကို တင်ပို့ခဲ့ကြတာပါ။

 

မင်းတုန်းမင်း လက်ထက်မှာ ကချင်လူမျိုး ကံဆီးဒူးဝါး ဆမော့နောင်ဟာ လူ ၁၆ ယောက် ထမ်းရတဲ့ အလေးချိန်ရှိ ကျောက်စိမ်းတုံးကြီးကို “ငိုပင်းမှော်” ကနေ တူးဖေါ် ဆက်သခဲ့တယ်လို့ တွေ့ရပါတယ်။ မင်းတုန်းမင်း လက်ထက်မှာ ဥပဒေ အချက်ပေါင်း ၁၂ ချက် ထုတ်ပြန်ပြီး ကျောက်စိမ်းတူးဖေါ် ရောင်းချမှုကို စံနစ်တကျ လိုက်နာ လုပ်ကိုင်စေခဲ့ပါတယ်။

 

ကျောက်စိမ်းတုံးတွေ ထားဖို့ ကျောက်စိမ်းရုံးတွေ ဆောက်တာ၊ ကျောက်စိမ်းလုပ်ငန်းကို ကြီးကြပ်ဖို့ ကျောက်အုပ်ရာထူးတွေ ခန့်ထား လုပ်ကိုင်စေတာ စသဖြင့် လုပ်ကိုင်စေခဲ့ပါတယ်။

 

သီပေါမင်း လက်ထက်မှာတော့ ဒုတိယရွှေအင်ပင် ကျောင်းတကာ ဦးစပ်ရွှင်ကို ကျောက်စိမ်း ရောင်းဝယ်ရေး လုပ်ကိုင်ခွင့် ပေးခဲ့တာ အကျိုးအမြတ် ကောင်းစွာ ရရှိစေခဲ့တယ်လို့ တွေ့ရပါတယ်။ သီပေါမင်းလက်ထက်က တရားဝင် ခရိုနီတစ်ဦးကို တွေ့ရတာ ထင်ပါရဲ့လို့ ကျမ တွေးမိရင်း ပြုံးမိပါတယ်။

 

အခွင့်အရေးကို ရအောင်ယူတတ်တဲ့ လူစားတွေဆိုတာ လူ့ယဉ်ကျေးမှုနဲ့ အတူ ယှဉ်တွဲ ပေါ်ပေါက် လာတာပဲကိုး။

 

၁၈၈၆ခု၊ ဇန္န၀ါရီ ၁ ရက်မှာ အိန္ဒိယ ဘုရင်ခံချုပ် လော့ဒ်ဒပ်ဖရင်က မြန်မာနိုင်ငံကို အင်္ဂလိပ် အင်ပါယာ အတွင်း ထည့်သွင်းကြောင်း ကြေငြာပြီးနောက် မိုးကောင်းကို ဗြိတိသျှတပ်တွေ ရောက်လာတဲ့ အခါမှာ အုပ်ချုပ်ရေး အရာရှိတစ်ဦးကို စတင် ထားရှိခဲ့ပါတယ်။

 

အဲဒီ အုပ်ချုပ်ရေး အရာရှိအသတ်ခံရပြီးတဲ့နောက် သူ့ရဲ့သား ဖိုးစောကို အမတ်အဖြစ် အများ သဘောတူ ရွေးချယ်ခဲ့ကြပါတယ်။

 

ဗြိတိသျှတွေက ၁၈၈၇ခုမှာ တရုတ်အမျိုးသား ဦးလွန်းပိုင်ကို အခွန်တော် အရာရှိအဖြစ် ခန့်ထားခဲ့ ပါတယ်။ အဲဒီတုံးက ကချင်ပြည်နယ်လို့ မပေါ်ပေါက်သေးပါဘူး။ စစ်ကိုင်းတိုင်းမင်းကြီးရဲ့ အုပ်ချုပ်ရေး နယ်မြေ အတွင်းမှာပဲ ကျောက်စိမ်းဒေသ တစ်ခုလုံးကို ထည့်သွင်း အုပ်ချုပ်စေခဲ့တာ ဖြစ်ပါတယ်။

 

အင်္ဂလိပ် အစိုးရဟာ မြန်မာ့ ရတနာတွေထဲမှာ မိုးကုတ် ပတ္တမြားမြေကိုသာ ပိုပြီး တပ်မက်ခဲ့ပါတယ်။ ဒါကြောင့် ကျောက်စိမ်းတွင်းတွေကို အထူးတလည် ချုပ်ကိုင်ခဲ့တာ မတွေ့ရပဲ နှစ်တော်တော်ကြာတဲ့ အထိ မြန်မာဘုရင်တွေ လက်ထက်က မူအတိုင်း စော်ဘွားတွေကိုပဲ အုပ်ချုပ် စိုးပိုင်စေခဲ့ပြီး အခွန် အကောက်ရရေးကိုသာ အဓိကထား ဆောင်ရွက်ခဲ့ပါတယ်။

 

၁၈၈၈ ခုကမှ စပြီး အင်္ဂလိပ် အစိုးရဟာ ကျောက်စိမ်းတွင်း တူးဖော်မူ လုပ်ငန်းကို မြစ်ကြီးနား ခရိုင်ဝန်ရဲ့ ကြီးကြပ်အုပ်ချုပ်မူ အောက်မှာ ထားရှိခဲ့ပါတယ်။ ခရိုင်ဝန်က မိုးကောင်းနယ်ပိုင် ၀န်ထောက်ကို ကျောက်စိမ်း ရာဖြတ်ခွန် ကောက်ခံစေပြီး၊ ကားမိုင်းနယ်ပိုင် ၀န်ထောက်ကို ကျောက်စိမ်းမိုင်း ကြီးကြပ်ဖို့ ခရိုင်အုပ် (၁)ယောက်နဲ့ မှော်အုပ်(၄)ယောက် တွဲပေးထားပါတယ်။

 

မြန်မာ့ကျောက်စိမ်း ဒေသကို ပထမဆုံး ရောက်ရှိခဲ့တဲ့ ဘူမိဗေဒပညာရှင်ကတော့ ၁၈၉၂ ခုနှစ်တုံးက အထက် မြန်မာနိုင်ငံ ပယင်းနှင့် ကျောက်စိမ်းစာအုပ်ကို ရေးသားထုတ်ဝေခဲ့တဲ့ F Noetling ဆိုသူပါ။

 

မိုးကောင်းမှာ ကွမ်ခြင်း၊ ဖြတ်ခြင်းပြုလုပ်ပြီးနောက် ရာဖြတ်အဖွဲ့ကို တင်ပြရပါတယ်။ ရာဖြတ် အဖွဲ့က ဆုံးဖြတ်ပြီးတဲ့ အခါ ရာဖြတ်အခွန်ဆောင်ပြီးမှ ပြည်တွင်းပြည်ပကို ရောင်းချနိုင်ပါတယ်။

 

ရာဖြတ်အဖွဲ့မှာ တရုတ်ကုန်သည်ကြီးတွေက ဖွဲ့စည်းထားတာ ဖြစ်ပြီး အင်္ဂလိပ် အစိုးရထံ တစ်နှစ်ကို ကျပ်ငွေတစ်သိန်းနဲ့ လေလံဆွဲ ကန်ထရိုက်ယူခဲ့တာ ဖြစ်ပါတယ်။ တရုတ်ကုန်သည်ကြီးတွေဟာ အင်္ဂလိပ် အစိုးရခေတ်က စပြီး ကျောက်စိမ်းအရောင်းအ၀ယ် လောကကို လက်ဝါးကြီးအုပ် ချယ်လှယ် နိုင်ခဲ့တာ တွေ့ရပါတယ်။

 

ကချင်ဒူးဝါး ဆင်ဝါးနောင် လက်ထက်မှာ အခွန်ထမ်းသူနဲ့ အုပ်ချုပ်သူတို့ကြား အမူအခင်းတွေ ပေါ်ပေါက် လာတာကြောင့် အင်္ဂလိပ်အစိုးရဟာ ၁၉၄၀ ခုနှစ်မှာ “ကျောက်စိမ်း စည်းမျဉ်းဥပဒေ” ကို ပြဌာန်းခဲ့ပါတယ်။

 

၁၉၄၀ ခုနှစ် ကျောက်စိမ်းတွင်း စည်းမျဉ်းဥပဒေ နဲ့ ၁၉၄၈ ခုနှစ် ကျောက်စိမ်းတွင်း နည်းဥပဒေ ပြဌာန်းချက်တွေအရ တူးဖေါ်ရရှိတဲ့ ကျောက်စိမ်းတွေရဲ့ တန်ဖိုးအပေါ် ၃၃ ဒဿမ ၃၃ ရာခိုင်နူန်းနဲ့ အခွန် ကောက်ခံဖို့ ဖြစ်ပါတယ်။

 

၁၉၆၃ ခုနှစ်မှာ လုံးခင်း၊ ဖားကန့်၊ တော်မှော်၊ ဝှေခါ ကျောက်စိမ်းဒေသတွေမှာ ကျောက်တွင်းပေါင်း တစ်သောင်းလောက်က လုပ်သားပေါင်း (၄၈၀၀၀) ကျော်နဲ့ တူးဖေါ်ခဲ့ကြပါတယ်။

 

၁၉၇၃ ခုနှစ်မှာ မစ္စတာချာတာ တူးဖေါ်ခဲ့ပြီး မအောင်မြင်ခဲ့တဲ့ ခိုင်စူးရွာနားက ချာတာတွင်းကို ဟင်္သာတ ဦးမြနဲ့သားတွေက ၁၉၆၀ ခုနှစ်ကနေ ၁၉၆၄ ခုနှစ်ထိ ဆက်လက် လုပ်ကိုင်ခဲ့ပါတယ်။

 

နိုင်ငံခြားကို ကိုယ်တိုင် သွားရောက်ရောင်းချသူတွေ အထဲမှာ မြန်မာတိုင်းရင်းသားထဲက ဟင်္သာတ ဦးမြဟာ ပထမဆုံးပါ။

 

ဦးမြရဲ့ သားဖြစ်သူ ဦးထွန်းအောင်ကျော်လည်း ၁၉၆၁ ခုနှစ်မှာ ကျောက်စိမ်း အရိုင်းတုံးတွေကို ဟောင်ကောင်မှာ သွားရောက်ရောင်းချခဲ့ဖူးပါတယ်။

 

တော်လှန်ရေးကောင်စီ အစိုးရလက်ထက် ၁၁.၄.၁၉၆၄ နေ့မှာတော့ ပြည်သူပိုင် သိမ်းယူခြင်းနဲ့ အတူ ကျောက်စိမ်းတူးဖော် ထုတ်လုပ်ရောင်းဝယ်မူကို ထိန်းချုပ်ခဲ့ပါတယ်။ ကျောက်မျက်ရတနာ ရောင်းဝယ် ရေးအဖွဲ့ကို မြန်မာ့ထုတ်ကုန်သွင်းကုန် ကော်ပိုရေးရှင်း ဌာနခွဲ တစ်ခုအဖြစ် ပြောင်းလဲ ဖွဲ့စည်းခဲ့တာပါ။

 

ကုန်သွယ်ရေး ၀န်ကြီးဌာန၊ မြန်မာ့ ထုတ်ကုန်သွင်းကုန် ကော်ပို ရေးရှင်းက ဦးဆောင်ပြီး ပထမအကြိမ် မြန်မာ့ကျောက်မျက်ရတနာပြပွဲကို ၁.၁၂.၁၉၆၄ က ၁၅.၁၂.၁၉၆၄ အထိ အင်းယားကန် ဟိုတယ်မှာ စတင်ကျင်းပခဲ့ပါတယ်။

 

လုံးခင်း၊ ဖားကန့် ကျောက်စိမ်း နယ်မြေတွေမှာ ၁၉၆၆ ဖေဖေါ်ဝါရီလက စပြီး ပုဂ္ဂလိကတွေကို တူးဖေါ်ခွင့်မပြုတော့ဘဲ နိုင်ငံတော်ပိုင် တူးဖေါ်ရေးလုပ်ငန်းများ စတင်ခဲ့ပါတယ်။

 

၁၉၆၉မှာပြည်ထောင်စု မြန်မာနိုင်ငံတော်၊ တော်လှန်ရေး ကောင်စီအစိုးရ သတ္ထုတွင်းဝန်ကြီးဌာနရဲ့ ပုဂ္ဂလိက ကျောက်စိမ်းထုတ်လုပ်မှုနဲ့ ရောင်းဝယ်မှုတွေကို ပိတ်ပင် တားမြစ်ခဲ့ပါတယ်။

 

၁၉၈၂ ခုနှစ်မှာ ၃၃ တန်အလေးချိန် ရှိတဲ့ (၁၂ ပေ _ ၆၅ ပေ _ ၇ ပေ ) ကျောက်စိမ်းတုံး ကြီးကို ဖားကန့်မြို့နယ်၊ ခိုင်ကြင် ခိုင်စူးမှော်ကနေ တူးဖေါ်ရရှိခဲ့ပါတယ်။

 

နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ အတွင်းရေးမှူး(၁) နဲ့အဖွဲ့ဟာ (၁၄.၁.၉၀) မှာ လုံးခင်း၊ ဖားကန့်နယ်မြေကို ကွင်းဆင်း စစ်ဆေးနေရင်း တရားမ၀င် တူးနေတဲ့ ကျောက်စိမ်း ခိုးကျင်းတွေကို ရဟတ်ယာဉ်ပေါ်ကနေ မြင်တွေ့ခဲ့ပါတယ်။

 

အဲဒီခိုးကျင်းတွေကြောင့် နိုင်ငံတော်ရဲ့ သယံဇာတ ဆုံးရှူံးမှုတွေကို ကာကွယ်နိုင်ဖို့နဲ့ ခိုးတူးသူတွေ တရား  ၀င် တူးဖော်လုပ်ကိုင်နိုင်စေဖို့ ကျောက်မျက်ရတနာ ဖက်စပ်လုပ်ငန်း အစီအစဉ်ကို စတင် အကောင် အထည် ဖေါ် ဆောင်ရွက် ပေးခဲ့ပါတယ်။

 

၁၇.၂.၁၉၉၃မှာ ဖားကန့်မြို့နယ်၊ ဆန်းကယ်မှော် ဖက်စပ်လုပ်ကွက်(၂)က အလေးချိန် (၁ ဒဿမ ၅) တန်ရှိတဲ့ ကျောက်စိမ်း အရိုင်းတုံးကို တူးဖေါ်ရရှိရာ (၄၇ လက်မ _ ၃၀ လက်မ _ ၂၈ လက်မ ) အတိုင်း အတာရှိပြီး အထည်ကျောက် အကောင်းစား လုံးပတ်ရဲ့ ထိပ်ပိုင်းမှာ အရည်ကျောက်ကြိုး ပတ်ပါရှိပါတယ်။

 

၁၉၉၃မှာ ဖက်စပ်လုပ်ငန်းက ထွက်ရှိတဲ့ ကျောက်မျက်ရတနာ အပေါ်နိုင်ငံတော်က ၂၅ ရာခိုင်နူန်းနဲ့ လုပ်ငန်းရှင်က ၇၅ ရာခိုင်နူန်း ခွဲဝေယူဖို့ ပြင်ဆင်ခဲ့ပါတယ်။

 

မြန်မာ့ ကျောက်မျက်ရတနာ ပြပွဲခန်းမကို စတင်တည်ဆောက်ပြီး ၁၉၉၅ မှာတော့ မြန်မာ့ ကျောက်မျက်ရတနာ ပြတိုက် တည်ဆောက် ပြီးစီးခဲ့ပါတယ်။ ၁၂.၅.၁၉၉၅ မှာ ကျောက်မျက် ကျောက်စိမ်း ဖက်စပ်တူးဖော် လုပ်ကိုင်ခွင့် ချထားခြင်းကို ရပ်ဆိုင်းခဲ့ပါတယ်။

 

၁၉၉၅မှာ လုံးခင်းက ကျောက်စိမ်းတူးဖော်ရေးစခန်းပိုင် လုပ်ကွက်တွေ၊ ခန္တီးဒေသ၊ နတ်မှော် ကျောက်စိမ်း တူးဖော်ရေး စခန်းပိုင် ကျောက်စိမ်းလုပ်ကွက်တွေကို မြန်မာ့ စီးပွားရေဦးပိုင်လီမိတက် လက်အောက် လွှဲပြောင်းပေးခဲ့ပါတယ်။

 

၁၉၉၉ ခု နိုင်ငံတော် အေးချမ်းသာယာရေးနဲ့ ဖွံ့ဖြိုးရေး ကောင်စီလက်ထက်ရောက်တော့ သတ္ထုကဏ္ဍ၊ ကျောက်မျက် ထုတ်လုပ်ရေး ကဏ္ဍတွေမှာ ပုဂ္ဂလိက လုပ်ငန်းရှင်များနဲ့ အကျိုးတူပူး ပေါင်းပြီး လုပ်ငန်းတွေ ဆောင်ရွက်ဖို့် ဆိုပြီး ကျောက်စိမ်းနဂါး ကုမ္ပဏီ၊ မြန်မာစည်သူရတနာ ကုမ္ပဏီ၊ ဂျိမ်းဖောအောင် ကုမ္ပဏီ၊ ရွှေဂေါင်ဂေါင် ကုမ္ပဏီနဲ့ ရတနာတောင်တန်း ကုမ္ပဏီ၊တက်ခမ်း ကုမ္ပဏီလီမိတက်၊ သံလွင်ဧရာ ကုမ္ပဏီလီမိတက်၊ရွှေမြေရတနာ ကုမ္ပဏီ၊ မြန်မာ့နေရောင်ခြည် ကုမ္ပဏီ၊ ရွှေတောင် ကျောက်မျက်ရတနာ ကုမ္ပဏီ စတာတွေနဲ့ အကျိုးတူ ပူးပေါင်းပြီး ကျောက်စိမ်း ထုတ်လုပ်ဖို့စာချုပ်ချုပ်ဆိုခဲ့ကြပါတယ်။

 

၂၀၀၁ ခုနှစ် ဇူလိုင်လအတွင်း ကျောက်စိမ်းနဂါး ကုမ္ပဏီဟာ ဖားကန့်မြို့နယ် နမ့်မှော်လုပ်ကွက် မြေအောက်ပေ ၄၀ လောက်ကနေ အလျားပေ ၇၀၊ အကျယ် ၁၆ ပေ၊ အမြင့် ၃၅ ပေ (အလေးချိန် တန်၃၀၀၀ခန့်)ရှိတဲ့ ကမ္ဘာ့အကြီးဆုံး ကျောက်စိမ်းတုံးကြီးကို တူးဖေါ်တွေ့ရှိခဲ့ပါတယ်။

 

၂၀၀၁ ခုနှစ် ၊ စက်တင်ဘာလမှာ မြန်မာစည်သူ ရတနာ အကျိုးတူ ကုမ္ပဏီက ၁၅၈ ကီလို ကျောက်စိမ်း အရည်ကျောက်ရိုင်းတုံးကြီးကိုတူးဖော်ရရှိခဲ့ပါတယ်။ ၂၀၁၀ခုမှာ အလျား ၂၁ မီတာ ( ၆၈ ပေ ) ၊ အကျယ် ၄.၈ မီတာ ( ၁၅.၇ ပေ ) ၊ နဲ့ အမြင့်  ၁၀.၅ မီတာ( ၃၄ ပေ ) ရှိပြီး ၁၁၅တန် အလေးချိန်ရှိတဲ့ ကမ္ဘာ့ ဒုတိယ အကြီးဆုံးကျောက်စိမ်းတုံးကြီးကို မြေကြီးအောက် ၁၂မီတာ (ပေ၄၀) အနက်ကနေ မက်စ်မြန်မာ ကုမ္ပဏီက ထပ်မံ တွေ့ရှိပြန်ပါတယ်။

 

၂၀၁၁ခုမှာ ဖားကန့်ဒေသအတွင်း ကျောက်စိမ်း ကုဋေကျောက် ကြော တစ်ခုကို မြန်မာ့ ဘူမိဗေဒ လုပ်ငန်းက ထပ်မံ တွေ့ရှိခဲ့တယ်လို့ ပြည်တွင်းဂျာနယ်တွေမှာ ဖေါ်ပြခဲ့ပါတယ်။

 

အဲဒီ ဖားကန့်ကျောက်စိမ်း ကုဋေကြောကနေ ကျောက်စိမ်းထွက်ရှိနိုင်မှုဟာ ပျမ်းမျှ တစ်ဧကကို ကျောက်စိမ်း ၀ ဒသမ ၃ တန်လောက် ထွက်နိုင်တယ်လို့ ဘူမိဗေဒပညာရှင်များက တွက်ဆ ထားပါတယ်။

 

မြန်မာနိုင်ငံက ထွက်ရှိသည့် ကျောက်မျက်ရတနာတွေအနက် ကျောက်စိမ်း ထုတ်လုပ်မှုဟာ နှစ်စဉ် အများဆုံး ဖြစ်ပြီး ၂၀၁၀ ပြည့်နှစ်မှာဆိုရင် ကျောက်စိမ်းထုတ်လုပ် ရောင်းချမှုမှ ၀င်ငွေစံချိန်တင် ရရှိခဲ့ကြောင်းသိရပါတယ်။

 

ဒါပေမဲ့ ကျောက်စိမ်းထွက်ရှိရာ ဖားကန့်ဒေသခံတွေ အတွက်တော့ အခုလိုအဖိုးတန်ကျောက်စိမ်းတွေ တူးဖော်မှုကြောင့် အကျိုးအမြတ် မခံစားရတဲ့ အပြင် အစိုးရနဲ့ ပုဂ္ဂလိက ကုမ္ပဏီတွေရဲ့ ဧရာမ စက်ယန္တယားကြီးတွေ အသုံးပြုပြီး နေ့စဉ်တူးဖေါ်မှုကြောင့် မြေစာတွေ ပိတ်ဆို့ပြီး နှစ်စဉ်ရေကြီးမှုတွေ၊ မြေစာ စုပုံမှုတွေကြောင့် နေအိမ် မြေမြုပ်မှုတွေ၊ လျော်ကြေး မရပဲ နီးစပ်ရာ တောင်ပေါ်ဒေသတွေကို ရွှေ့ပြောင်းနေထိုင်ရမှုတွေ စတဲ့ လူမှုဒုက္ခတွေကိုပဲ ရင်ဆိုင်ခဲ့ကြရပါတယ်။

 

၁၉၉ဝ ခု အစောပိုင်းကာလတွေမှာ အစိုးရနဲ့ ကချင်တို့ အပစ်အခတ်ရပ်စဲရေးသဘောတူညီချက် ရရှိခဲ့ပါတယ်။ ကချင်ခေါင်းဆောင်တွေက အပစ်အခတ်ရပ်စဲရေး သဘောတူညီချက် ယူခဲ့တာဟာ ဒေသတွင်း မက်မောဖွယ်ရာ စီးပွားရေးစံနစ်သစ် ဖေါ်ဆောင်မဲ့ စီမံကိန်းတွေကြောင့် ဖြစ်ပါတယ်။

 

ကချင်ခေါင်းဆောင်တွေကို ဖားကန့်က ကျောက်စိမ်း လုပ်ကွက်တွေမှာ တရားဝင် တူးဖေါ် လုပ်ကိုင် ခွင့်တွေ ပေးခဲ့တာပါ။

 

ဒါ့အပြင်မြန်မာနိုင်ငံထဲမှာရှိတဲ့ တခြား ငြိမ်းချမ်းရေးအဖွဲ့ စုစုပေါင်း ၁၈ ဖွဲ့ကလည်း ကျောက်စိမ်း လုပ်ငန်းမှာ ပါဝင်ပတ်သက် လုပ်ကိုင်ခဲ့ကြပါတယ်။

 

အဲဒီ အချက်အလက်တွေကို ကြည့်ရင် ပြည်တွင်းက အကျိုးစီးပွားကို တိုင်းရင်းသား အားလုံး ပိုင်ဆိုင် ပတ်သက်တယ်လို့ ဆိုမှတော့ ပြည်တွင်းငြိမ်းချမ်းရေးကို ဖေါ်ဆောင်ဖို့ဆိုတာလဲ တိုင်းရင်းသား အားလုံးမှာ တာဝန်ရှိတာဟာ ငြင်းမရတဲ့ အချက်ပဲလေ။

 

တရုတ်ပြည်ရဲ့ စီးပွားရေးတိုးတက်မှုက ကျောက်စိမ်းကို မက်မောတဲ့ တရုတ်တွေရဲ့ ၀ယ်လို အားနဲ့အတူ ဖားကန့်ကျောက်စိမ်း တူးဖော်ရေးလုပ်ငန်းကို ပိုမိုအရှိန်မြှင့်ပေးခဲ့တာလို့ ပြောရမှာပါ။ ဖားကန့်က ကျောက်စိမ်းစီးပွားရေး လုပ်ကိုင်နေကြသူအားလုံးမှာ တရုတ်ပြည် ယူနန်ပြည်နယ်က ဝယ်လက်တွေ ရှိနေပါတယ်။

 

ဒီအစိမ်းရောင် ကျောက်တုံးတွေက ကံကောင်းစေတယ်လို့ အစွဲရှိတဲ့ တရုတ်လူမျိုးတွေရဲ့ လိုအင်ကို ဖားကန့်က ဖြည့်ဆည်းပေးနေရသလို ဖြစ်နေတာလေ။

 

ဖားကန့်ကျောက်တွေဟာ တရုတ်ပြည်မကြီးက ဝယ်လက်တွေဆီသာမက ယူနန်ကုန်သည်တွေ၊ ကမ္ဘာ တဝှမ်းက တရုတ်တွေဆီနဲ့ ထိုင်ဝမ်အထိ ရောက်ရှိပါတယ်။

 

အဲဒီလို ဈေးကွက်ကြီးမားလာတာနဲ့အမျှ ဒေသတွင်း သဘာဝပတ်ဝန်းကျင် အခြေအနေတွေလဲ ပြောင်းလဲ ပျက်ဆီးလာတာပါပဲ။

 

ကျောက်တူးသမားတွေက တောင်တွေကို ဖြတ်တောက်လိုက်ကြပြီး၊ ရေကန်တွေကတော့ လယ်ကွင်းတွေ ဖြစ်သွားကြပါတယ်။

 

သစ်ပင်တွေကို မြေပြင်က ခုတ်လှဲပစ်လိုက်ကြပြီး သစ်တောတွေကို အပြောင် ရှင်းပစ်ကြပါတော့တယ်။ ဒေသတွင်းမှာရှိတဲ့ နေရာတိုင်းကို ကျောက်စိမ်းတွေ ရှိနေနိုင်တယ်ဆိုတဲ့ မျှော်လင့်မှု လောဘတွေနဲ့ တူးကြ,ဆွကြပါတော့တယ်။

 

အစိုးရက မြေတဧကကို ကျပ် သိန်း ၄၀ နဲ့ ကုမ္ပဏီတွေကို လိုင်စင်တွေ ထုတ်ပေးပါတယ်။ ကျောက်တူး ချင်သူတွေက အဲဒီ လိုင်စင် တရားဝင်ရတဲ့သူ ဆီက တဧကကို ကျပ်သိန်း ၁၅၀ နဲ့ နားလည်မှုယူပြီး ပြန်လည်ငှားရမ်း လုပ်ကိုင်ကြပါတယ်။

 

အစိုးရဆီက တရားဝင် လိုင်စင်ရသူဟာ ဘာမှမလုပ်ဘဲ လိုင်စင်ကို လက်လွှဲရောင်းလိုက်ရုံနဲ့ အလွန်ကြီးမား တဲ့ အမြတ်အစွန်းကို အလွယ်တကူပဲ ရရှိကြပါတယ်။

 

နေရာသစ် ရှာဖွေတူးဖော်စရာ မရှိတော့တိုင်း ကုမ္ပဏီတွေက မျိုးဆက်ပေါင်းများစွာ နေထိုင်လာ ခဲ့ကြတဲ့ တိုင်းရင်းသား ကျေးရွာတွေကို ဖယ်ရှားခိုင်းခဲ့ပါတယ်။

 

ဥရုချောင်းဟာ ဖားကန့်ဒေသကိုဖြတ်ပြီး ရာစုနှစ်ပေါင်းများစွာ စီးဆင်းခဲ့တာပါ။ ၁၉၉၀ စုနှစ် အစော ပိုင်းအထိ ဥရုချောင်းဟာ ကြည်လင်စိမ်းမြနေခဲ့တယ်လို့ လွန်ခဲ့တဲ့ ၂၀ နှစ်လောက် ကထဲက ဖားကန့်မှာ ရွှေ့ပြောင်းနေထိုင်ခဲ့သူ တဦးက ပြောပါတယ်။

 

ရေက ဖန်သားလို ကြည်လင်နေပြီး ကူးနေတဲ့ ငါးကိုတောင် မြင်နိုင်တာ။ သဘာဝ ပတ်ဝန်းကျင် ဟာလည်း သစ်ပင်၊ သစ်တောတွေနဲ့ စိမ်းလန်းစိုပြေနေတာပဲလို့ သူက လွမ်းမောဖွယ်ရာ ဆက်ပြောခဲ့ပါတယ်။

 

ကျောက်တူးရာ နေရာနဲ့ မြို့ကို ဆက်သွယ်ပေးနိုင်တဲ့ ဖြတ်လမ်းကို လိုချင်ကြတော့ ဥရုချောင်းထဲကို စီးဝင်နေတဲ့ ဝေခါးချောင်းကို ကျောက်တူးသူတွေက ပိတ်ဆို့ခဲ့ကြပါသတဲ့။ အဲဒီလို ဖြတ်တောက် ပိတ်ဆို့ လိုက်တော့ သဘာဝအတိုင်း မစီးဆင်းနိုင်တော့ဘဲ ကျေးရွာတွေ ရေလွှမ်းခဲ့ရပါတယ်။

 

ကျောက်တူးသမားတွေ တူးလေလေ၊ မြေစာတွေ ထွက်ပြီး ဥရုချောင်းနဲ့ ဝေခါချောင်းကို ပိတ်လေလေ ဖြစ်နေတာပါပဲ။

 

ဝေခါချောင်းဘေးမှာ ရှိတဲ့ ဖားကန့်နယ်အတွင်းက ဆိပ်မူကျေးရွာဟာ ရေလွှမ်းခံရပြီး ရွှံ့နွံတွေထဲမှာ နစ်မြုပ်ခဲ့ရပါတယ်။ ဒေသခံတွေဟာ ကျောက်စိမ်းလုပ်ငန်းကနေ အကျိုးအမြတ် တစုံတရာ မရရှိဘဲ နေရပ်ကို စွန့်ခွာခဲ့ကြရပါတယ်။

 

တချိန်က သဘာဝပတ်ဝန်းကျင် ညစ်ညမ်းမှု အကင်းစင်ဆုံး ဒေသဟာ အခုတော့ ချိုင့်ခွက်တွေ၊ ရွှံ့နွံတွေ အပြည့်နဲ့ သုံးစားမရတဲ့ မြေပြန့်လယ်ကွင်းကြီးတွေ အဖြစ် ပြောင်းလဲပျက်စီးခဲ့ရပါတယ်။