Ninghtoi: 2011 ning, June 14
WUNPAWNG MUNGDAN SHANGLAWT HPUNG (KIO/KIA) HTE MYEN GUMSHEM HPYEN HPUNG A LAPRAN YA YANG BYIN NGA AI HPYEN MASA A NTSA MAIGAN DU JINGHPAW WUNPAWNG MYUSHA NI A NSEN
1. Myen Gumshem Hpyen Hpung kawn Wunpawng Mundan hte Wunpawng Myusha ni a ntsa, laknak n'gun machyu nhtawm amyu shamyit roi rip ai gumshem majan ndai hpe tsep kawp ninghkap ga ai.
2. Myen Gumshem Hpyen Hpung a tawt lai majan ndai hpe, Wunpawng Mungdan Shanglawt Hpung (KIO/KIA) kawn hpyen masa hte bai ninghkap gasat ai lam a ntsa, nachying wa n'gun lu madi shadaw ga ai.
3. Maigan du Jinghpaw Wunpawng Myusha ni yawng mung, Wunpawng Mungdan Shanglawt Hpung (KIO/KIA) kawn woi awn galaw sa wa ai lam shagu hta, ra mara hpe matut manoi garum madi shadaw sa wa na ga ai.
4. Myusha yawng a hpyen madung rai nga ai Myen Gumshem Hpyen Hpung hpe ninghkap gasat sa wa ai lam hta, Myusha lam yan kaw tsap nga ai kaga Wunpawng Myusha laknak lang uhpung uhpawng ni yawng mung, Wunpawng Mungdan Shanglawt Hpung (KIO/KIA) hte rau ta gindun let shanglawm na matu saw lajin ga ai.
5. Wunpawng Mungdan Shanglawt Hpung (KIO/KIA) a tengman ai rawt malan magam bungli ndai hta, Myen mungdan kata e shanu nga ai Wunpawng Myusha ji nban yawng mung, tatut shanglawm madi shadaw na hpe aja awa saw lajin ga ai.
6. Amyu hte mungdan lawt lu na lam hta, asak ap nawng let tatut shakut shaja nga ai myutsaw mungtsaw magam gun kaji kaba ni yawng a ntsa, Hpan Wa Karai Kasang tut nawng bau sin makawp maga nga u ga law.
Maigan Du Wunpawng Myusha ni
Matsing;‐ Lahta na ndau lam yan (6) hpe lawu na mungdan malawm ni hta du nga ai Jinghpaw Wunpawng Myusha ni kawn myit hkrum daw dan da sai.
1. Malaysia
2. United State of America (USA)
3. Canada
4. England
5. Singapore
6. Denmark
7. Japan
8. Norway
9. Australia
10. Holland
11. New Zealand
12. Germany
13. Israel
14. India
15. Hong Kong
16. China
17. Czech Republic
18. Switzerland
19. Thailand
20. Romania
21. Sweden
22. Philippines
23. United Arab Emirates (UAE)
24. French
25. Taiwan
No comments:
Post a Comment