Laiwa sai June Shata 24/25 kaw na Miwa mung hku Myen Hpyenla ni laidi nhtawm KIA Ginjaw Laiza hte Dap Ba(3) Ginjaw hpe gasat na nga ai shiga tsawmra garu mawng wa ai kaw na mani mana gaw Myen Hpyenla ni Miwa Mung de Shang na matu Immigration Rung e sum-pum nga ai sumla ni hte bai pru wa sai, Myen Hpyenla Commando ni rai ma ai da.. ngu ai shiga hte sumla pru hpang wa ai kaw na gaw Myen mung kata/ shinggan na Jinghpaw mahpaw sha nrai Myen Mung a mung masa hpe myit lawm ai ni yawng a lapran gade daram garu kachyi nga taw na gaw tsun shara pyi nra na sai ngu kam nngai.
Myen Hpyenla ni lai di ai lam gaw teng sai, rai yang kam ram ai shiga lawk kaw na chye lu ai hku nga yang Myen Hpyen Asuya Prat kaw na tang lajin tawn ai Hpyen Mawdaw ni sa gawt la na matu yan bang wa ai Myen Hpyen Dap na Drivers ni the magma gun ni re ngu chye lu ai (photo/sumla kaw yu ga).
Shawng nnan Myen Hpyenla ni KIA hpe Miwa maga hku gasat na matu Miwa Asuya myit hkrum sai ngu ai shiga pru wa ai hpang Nayi hkum kade nna yang Miwa Mungdan e shanu nga ai Jinghpaw Wunpawng Mung Salang ni, Ningbaw ni Miwa Asuya hpe ram ram pawt ai sha n-ga KIA Dap de mung matut mahkai nna shiga san ai nig aw san, ra wa yang shanhte hku nna gara hku hkyen lajang ra na lam ni hpe du hkra tsun bawngban wa ai hta grau ai Myutsaw myit katu wa ai majaw Miwa Asuya hku nna pyi ram ram sawn sumru ra na lam byin mat wa ai gaw teng teng sha rai nga sai.
Lama myi hku tsun ga nga yang laiwa sai (10)ning a Wo..ra maga de shiga hte seng nna mahkrum madup hte machye machyang nnga ga ai majaw hpyen wa e kam mara di lai mat wa tim kade myi nchye kau dat ga ai.. ya gaw Shiga Dap ni a jaw e hpa majaw zuphpawng galaw ai, hpa majaw Myen Hpyen ni Miwa Mung de shang wa ai lawng lam shai hkra myi raitim shanhte hpe anhte azi yu nga saka ai lam gaw anhte amyu sha ni a lapran hta manu mana rawt jat galu kaba wa ai hpe madun dan ai lam rai nga ai. Lam myi hku tsun ga nga yang Miwa Asuya nan ya na zawn KIA hte Myen a lapran Majan gasat nga ai ten Myen Hpyen Dap ni a Hpyen La Htaw-wa Htawsa hte seng nna Hpyen Truck Mawdaw kaba ni jaw ai lam nan anhte Jinghpaw Wunpawng Amyu sha ni a matu kabu hpa shiga nre gaw asan sha rai nga ai.
Matut nna Amyu sha lam hta ya na zawn yawng jawm shakut nga ga.
Nang shoi ngai sha ngu dara Yungnu madi hkat na aten nre ngu sawn lu nngai.
Yumaya Hpyen Magam Gun Dingsa
No comments:
Post a Comment