Simsa lam hpe sharawng awng ai Jinghpaw Wunpawng Amyu sha ni hte Wunpawng Mungdan Shanglawt Hpyen Dap gaw Gyip Gyeng Nhkru Nkaja ai Myen Hpyen Dap hte Hpyen Dap kaw na Wushoi jum tawn ai Asuya nnan kaw na tinang amyu sha ni hpe htim kasat wa ai lam yawng hpe June 13, 2011 shani ka-ang lai 01:00 PM kaw na Wunpawng Mungdan(Kachinland) sha n-ga Myen Mungdan ting hta ninghkap gasat mat wa na matu seng ang ai KIA Dap Ba, Dap Dung hte Dap Nawng yawng hpe majan shang na lahta kaw na matsun dat sai lam chye lu ai.Ndai majan gaw, anhte Jinghpaw Wunpawng yawng shawng lam nga grin sa wa lu na lam hte anhte a makam masham hpe ndut ndang galaw sa wa lu na matu ahkyak dik ai lam re majaw Jinghpaw Wunpawng Amyu sha ngu tinang a hkum tinang hkam la ai amyu sha yawng mai byin ai lamang hku nna ya jang shang lawm hpang wa ga...
Majan byin sai hte majan ginra ni hta mung maden hpyen gumshem ni gaw anhte a amyu sha ni hpe sat nat ai sha n-ga du sat yam nga yi/sun/hkauna/ hpaga yumga ni hpe sat/nat/jahten mat wa na gaw ga lahtum nshut rai nga ai.
Yawm dik hpang kaw na hputdi di kyu hpyi ai lamang hte sha pyi shanglawm ga ngu shatsam dat nngai.
Yu Maya Hpyen Magam Gun Dingsa.
No comments:
Post a Comment