Sadung Ginra, Myen Hpyen Dap Ni Nga Ai Bum Sen Post Hpe KIA Bai Lu La.

Published on Saturday, 28 April 2012 10:19

Written by KNET

2012 ning April (27) ya jahpawt hkying (4:30)am aten kaw nna hkying (5:00)am aten laman, Myen Hpyen Dap Hk.L.Y (58) hte BGF Dap ni nga ai Sadung ginra Bum Sen Post hpe KIA Masat (3) Dap Dung na hpyen hpung ni hkan gasat la lu ai lam chye lu ai.

(27-4-2012) ya shani Myitkyina kaw nna Chihpwi maga, Myen Hpyen Dap, Tat Ma (33, 66) na hpyen hpung ni htu shang wa ai shiga na ai majaw, Pang Wa hte Kanpaiti mare hkan na Mung mare masha hte hpaga la ni hkrit nna Miwa hkran Htin Chung maga hprawng yen mat ai lam chye lu ai.