အခြေခံဥပဒေ ပြင်သင့်ကြောင်း လွှတ်တော်ကော်မ တီခေါင်းဆောင် ပြောကြား

အခြေခံဥပဒေ ပြင်သင့်ကြောင်း လွှတ်တော်ကော်မ တီခေါင်းဆောင် ပြောကြား

RFA

2014-05-28

မေလ ၂၈ ရက်နေ့ မနက်ပိုင်းက ပြည်သူ့လွှတ်တော်မှာ သူရဦးအောင်ကို သတင်းထောက်များနဲ့ တွေ့ဆုံစဉ် Photo: Win Naung Toe/RFA

တိုင်းပြည်မှာ ထာဝရငြိမ်းချမ်းရေး ရရှိဖို့အတွက် ၂ဝဝ၈ ဖွဲ့စည်းပုံ အခြေခံဥပဒေကို ပြင်ဆင်သင့်ကြောင်း ပြည်သူ့ လွှတ်တော် “တရားစီရင်ရေး၊ ဥပဒေရေးရာနဲ့ တိုင်ကြားစာ - အသနားခံစာများ စိစစ်ရေးကော်မတီ” ဥက္ကဋ္ဌ သူရ ဦးအောင်ကိုက ဒီကနေ့ ပြောလိုက်ပါတယ်။

ဒီနေ့ ပြန်လည်စတင်တဲ့ ပြည်သူ့လွှတ်တော် အစည်းအဝေးမတိုင်ခင် သတင်းထောက်တွေ နဲ့ တွေ့ဆုံချိန်မှာ သူရဦးအောင်ကိုက အခုလို ပြောခဲ့တာပါ။

"ဖွဲ့စည်းပုံ အခြေခံဥပဒေကို မပြင်နိုင်ဘူးဆိုရင် အခု ငြိမ်းချမ်းရေးကော်မတီနဲ့ တိုင်းရင်းသား လက်နက်ကိုင် အဖွဲ့ တွေလုပ်နေတဲ့ ပထမအဆင့် အပစ်အခတ် ရပ်စဲရေး၊ ဒုတိယအဆင့် ထာဝရငြိမ်းချမ်းရေး အဆင့်နှစ်ဆင့် ရှိပါတယ်၊ တိုင်းရင်းသား လက်နက်ကိုင် အဖွဲ့ အားလုံးနဲ့ အပစ်အခတ်ရပ်စဲရေး လက်မှတ်ရေးထိုးနိုင်မယ့် အနေအထားကတော့ အခု အတိုင်းအတာတစ်ခုအထိတော့ အောင်မြင်မှုရနေပါပြီ၊ သို့သော်လည်း ထာဝရ ငြိမ်းချမ်းရေးရဖို့ ဆိုလို့ရှိရင်တော့ ဖွဲ့စည်းပုံ အခြေခံဥပဒေကို ပြင်ကိုပြင်ရမှာဖြစ်ပါတယ်၊ အထူးသဖြင့် တိုင်းရင်းသား တွေက စစ်မှန်တဲ့ ဖက်ဒရယ် ပြည်ထောင်စုကို သူတို့တည်ထောင်လိုကြတယ်၊ စစ်မှန်တဲ့ ဖက်ဒရယ်ပြည်ထောင်စုကို တည်ထောင်မယ်ဆိုလို့ရှိရင် ဖွဲ့စည်းပုံ အခြေခံဥပဒေကို ပြင်ကိုပြင်ရ မှာဖြစ်တယ်"

ဖွဲ့စည်းပုံ အခြေခံဥပဒေ ပြင်ဆင်ရေးအတွက် ပြည်သူတွေသာမက တိုင်းရင်းသားပါတီတွေနဲ့ နိုင်ငံတကာ က တောင်းဆိုနေကြတာတွေရှိကြောင်း၊ အုပ်ချုပ်ရေးမဏ္ဍိုင် တာဝန်ရှိသူတွေအနေနဲ့ နိုင်ငံရေးအကြပ်အတည်းတွေ မပေါ်ပေါက်စေဖို့အတွက် လေးပွင့်ဆိုင် တွေ့ဆုံဆွေးနွေးပွဲ လိုအပ်ကြောင်းလည်း သူရဦးအောင်ကိုက ပြောဆို လိုက်ပါတယ်။

ဒီကနေ့ နေပြည်တော်မှာ ပြန်လည်စတင်ကျင်းပတဲ့ လွှတ်တော်ဆွေးနွေးပွဲတွေအကြောင်း RFA အဖွဲ့သူ ဒေါ်ခင်ခင်အိ တင်ပြထားတာ နားဆင်နိုင်ပါတယ်။

တချိန်တည်းမှာပဲ အစိုးရက ထုတ်ပြန်လိုက်တဲ့ ကိုးကွယ်ရာဘာသာ ကူးပြောင်းခြင်းဆိုင်ရာ ဥပဒေကြမ်းနဲ့ ပတ်သက်လို့ ဘာသာရေးခေါင်းဆောင်တချို့ရဲ့ အမြင်တွေကို မသင်းသီရိ စုစည်းတင်ပြထားတာကိုလည်း နားဆင်နိုင်ပါတယ်။

http://www.rfa.org/burmese/news/thura-uaungko-speak-constitutional-amendment-05282014105211.html

 

အပစ်ရပ်သဘောတူညီချက်၊ ငြိမ်းချမ်းရေးနဲ့ ပဋိပက္ခလမ်းဆုံ

မျက်မှောက်ရေးရာ / ပြည်တွင်းသတင်း သုံးသပ်ချက်

အပစ်ရပ်သဘောတူညီချက်၊ ငြိမ်းချမ်းရေးနဲ့ ပဋိပက္ခလမ်းဆုံ

စစ်မှန်တဲ့ငြိမ်းချမ်းရေး၊ ရေရှည်ခံမယ့် အပစ်ရပ်စဲရေးကို မျှော်လင့်တကြီးနဲ့ ဆွေးနွေးပွဲတွေ ပေါ်ပေါက်ရေး အားပေးထောက်ခံနေကြတဲ့ ကချင်ဒေသခံပြည်သူများ

 

VOA

ဦးစည်သူအောင်မြင့်, အင်ကြင်းနိုင်

24.05.2014 20:27

ဦးစည်သူအောင်မြင့်။ ။ ပြီးခဲ့တဲ့ မေလ ၂၁ ရက်နေ့ကနေ ၂၃ ရက်နေ့အထိ ရန်ကုန် ငြိမ်းချမ်းရေး စင်တာမှာ အစိုးရ နဲ့ NCCT ခေါ် တစ်တိုင်းပြည်လုံး အပစ်အခတ် ရပ်စဲရေး တိုင်းရင်းသား လက်နက် ကိုင် ကိုယ်စား လှယ်အဖွဲ့တို့ တွေ့ဆုံဆွေးနွေးပါတယ်။ ဆွေးနွေးပွဲ ထုံးစံအတိုင်း မေလ ၂၂ ရက်နေ့ ညမှာ ငြိမ်းချမ်းရေး ညစာစားပွဲတစ်ခု လုပ်ပါတယ်။ ပုံမှန်အားဖြင့် အစိုးရဘက်က ၀န်ကြီးတွေ၊ စစ် ဗိုလ်ချုပ်တွေ၊ လွှတ်တော် အမတ်တွေ၊ ငြိမ်းချမ်းရေးစင်တာက တာဝန်ရှိသူတွေ၊ တိုင်းရင်းသား လက်နက်ကိုင် တပ်ဖွဲ့ခေါင်းဆောင် တွေ၊ သံတမန်တွေ၊ စီးပွားရေးသမားကြီးတွေ၊ ရန်ကုန်အခြေစိုက် နိုင်ငံတကာ အဖွဲ့အစည်းက တာဝန်ရှိသူ တွေ၊ နိုင်ငံရေးပါတီ ခေါင်းဆောင်တွေ၊ နိုင်ငံရေးသမားတွေ စုံစုံညီညီ အုန်းအုန်းကျွက်ကျွက် တက်ရောက် လေ့ရှိပေမယ့် ဒီတစ်ခေါက်တော့ တက်ရောက်သူနည်း ပြီး အတော်လေးကို ခြောက်သွေ့နေပါတယ်။ ဒါဟာ သဘာတူညီချက်တွေ ရဖို့ မနီးစပ်သေးဘူး၊ ငြိမ်းချမ်းရေးနဲ့ ဝေးနေဦးမယ်၊ ဒီထက်မက မကြာခင် ပဋိပက္ခ တွေ ပြန်ပြီး ဖြစ်လာနိုင်တယ်ဆိုတဲ့ အရိပ်လက္ခဏာများလား ဆိုတာ ခုတစ်ပတ် ဆွေးနွေးတင်ပြသွား ပါ့မယ်။

 

ဒေါ်အင်ကြင်းနိုင်။ ။ ပွင့်ပွင့်လင်းလင်း ပြောရရင် ခုတလော အစိုးရနဲ့ တိုင်းရင်းသား လက်နက်ကိုင်တွေ ဆွေးနွေးနေတဲ့ တစ်တိုင်းပြည်လုံး ဆိုင်ရာ အပစ်ရပ်ရေးကိစ္စ၊ နိုင်ငံရေးဆွေးနွေးပွဲတွေ စတင်ဖို့ ကိစ္စ အဆင်မပြေမှုတွေ ဖြစ်ပေါ်နေတဲ့ အချိန်လည်း ဖြစ်ပါတယ်။ ပြီးခဲ့တဲ့ ဧပြီလဆန်း ရန်ကုန်မှာ အစိုးရနဲ့ NCCT ဆွေးနွေးပွဲတွေ လုပ်နေတုန်းမှာပဲ ရှမ်းပြည်နယ်မြောက်ပိုင်းမှာ ကေအိုင်အေ ဘက်က ပစ်ခတ် လို့ အစိုးရ တပ်က ဒုတပ်ရင်းမှူးတစ်ယောက် ကျဆုံးခဲ့ပါတယ်။ သိပ်မကြာခင် အစိုးရတပ် ယာဉ်တန်း မိုင်းဆွဲ တိုက်ခိုက်ခံရပြီး တပ်သားတွေသေ၊ လက်နက်တစ်ချို့ ဆုံးရှုံးပါတယ်။ ဒီဖြစ်ရပ်အပေါ် အခြေခံ ပြီး အစိုးရ တပ်ဘက်က နယ်မြေ စိုးမိုးရေး လုပ်ပါတယ်။ အရင် တိုက်ပွဲတွေ စဖြစ်စဉ်ကာလက ဆုံးရှုံး ထားတဲ့ ကားလမ်းနှစ်လမ်းနဲ့ တရုတ် နယ်စပ်စခန်းကို ပြန်ထိမ်းချုပ်ဖို့ ကေအိုင်အေ တပ်စခန်းတွေကို တိုက်ခိုက် သိမ်းပိုက်ပါတယ်။ ပြောရရင် တိုက်ပွဲတွေ ပြန်ဖြစ်လာတာပါ။

 

နောက် တဆက်တည်း အစိုးရစစ်တပ်တွေက ဒုက္ခသည်စခန်းတွေထဲ ၀င်ပြီး ကေအိုင်အေလို့ မသင်္ကာ သူတွေကို ရှာဖွေ ဖမ်းဆီးတာ လုပ်ပါတယ်။ တစ်ပြိုင်နက်တည်းမှာပဲ ကချင်ပြည်နယ် ၀ိုင်းမော်- ကမ်ပိုင်တီ ကားလမ်းမှာ အစိုးရ၀န်ထမ်းတစ်ချို့ကို ကေအိုင်အေ တပ်က ဖမ်းဆီး ခေါ်ဆောင်မှုတွေ ဖြစ်ပွားပါတယ်။ နောက် မြစ်ကြီးနား- မြစ်ဆုံသွားတဲ့ ကားလမ်းတစ်လျောက် ကျေးရွာတွေက လူငယ်တွေကို ကေအိုင်အေ က ဖမ်းဆီးခေါ်ဆောင် စစ်သားစုဆောင်းတာတွေ လုပ်ပါတယ်။ အဲလို အချိန်မှာ ကေအိုင်အို ဘက်က အစိုးရနဲ့ တွေ့ဆုံဆွေးနွေးဖို့ ကမ်းလှမ်းမှု ပေါ်ပေါက်လာတာပါ။ အစိုးရဘက်ကလည်း ရန်ကုန်မှာ NCCT နဲ့ မဆွေးနွေးခင် မေလ ၁၅ ရက် မြစ်ကြီးနားမှာ တွေ့ဖို့ သဘောတူပြီး ဆွေးနွေးပွဲတွေ ကျင်းပပါတယ်။

 

ဦးစည်သူအောင်မြင့်။ ။ ဒါပေမယ့် ကံမကောင်းအကြောင်းမလှစွာနဲ့ပဲ ဆွေးနွေးပွဲကို ခါတိုင်း တက်နေ ကြ ကာကွယ်ရေးဝန်ကြီးဌာနက ဗိုလ်ချုပ်တွေ၊ ဗိုလ်မှူးကြီးတွေ သွားမတက်ပါဘူး။ အတွင်းသတင်း တွေအရ ကေအိုင်အိုရဲ့ လုပ်ရပ်အပေါ် မယုံကြည်လို့၊ စိတ်ဆိုး ဒေါသထွက်လို့- လို့ ဆိုပါတယ်။ ကေအိုင်အိုဟာ မရိုးသားဘူး၊ အပစ်အခတ် ရပ်စဲရေး လက်မှတ်ထိုးပွဲ မဖြစ်မြောက်အောင် အချိန်ဆွဲ တယ်၊ နိုင်ငံရေး အမြတ်ထုတ်တယ်၊ အစိုးရ၀န်ထမ်းတွေကို ဖမ်းဆီးတယ်၊ ပုံမှန် အစိုးရတပ် စိုးမိုး ထားတဲ့နေရာက ပြည်သူ တွေကို ဖမ်းဆီးပြီး တပ်သားသစ် စုဆောင်းတယ် ဆိုပြီး စိတ်ဆိုးဒေါသ ထွက်တယ်လို့ ဆိုပါတယ်။ ဒါကြောင့် ကာကွယ်ရေး ၀န်ကြီးဌာနက ဗိုလ်ချုပ်တွေကို မလွှတ်တော့ စစ်တပ်ဘက်က မြောက်ပိုင်းတိုင်း တိုင်းမှူးနဲ့ ကချင်ပြည်နယ် နယ်စပ်လုံခြုံရေးဝန်ကြီး အဆင့် လောက်ပဲ ပါလာပါတယ်။ ဒီလိုနဲ့ အစိုးရနဲ့ ကေအိုင်အို ဆွေးနွေးပွဲ ဘာမှ ထူးထူးခြားခြား တိုးတက်မှု မရှိဘဲ ပဋိပက္ခဖြေရှင်းရေး နှစ်ဘက် ညှိနှိုင်းရေး အဖွဲ့ ဖွဲ့မယ် ဆိုတာလောက်နဲ့ပဲ ပြီးဆုံးခဲ့ပါတယ်။ ပြောရရင် အရင် ၂၀၁၃ ဆွေးနွေးပွဲတုန်းက ရခဲ့တဲ့ သဘောတူညီချက်တွေကို ထပ်လောင်း အတည်ပြု တာမျိုးကိုတောင် မလုပ်နိုင်ခဲ့ပါဘူး။

 

အခု မေလ ၂၂ ရက်နေ့ အစိုးရနဲ့ NCCT ဆွေးနွေးပွဲတွေလုပ်တော့လည်း အလားတူ အဖြစ်မျိုး ပြန်ပေါ် ပါတယ်။ ကေအိုင်အိုဘက်က ဗိုလ်ချုပ် ဂွမ်မော် မတက်ပါဘူး။ တတိယတန်း ခေါင်းဆောင်ဖြစ်တဲ့ ဗိုလ်မှူးကြီးဆင်ဝါး အဆင့်လောက်ပဲ တက်ပါတယ်။ အရင် ဆွေးနွေးပွဲတွေတုန်းက NCCT ဘက်က ကိုယ်စားလှယ်တွေ၊ ရုံးအဖွဲ့တွေ၊ အကူတွေ အပါအ၀င် စုစုပေါင်း အယောက် ၄၀ လောက် ရန်ကုန် လာခဲ့ကြပေမယ့် အခုတစ်ခေါက် ၂၀ တောင်မပြည့်ပါဘူး။ အတော်လေးကို နည်းပါတယ်။ တိုင်းရင်း သားတွေဘက်က ပြောတာက ဒီဆွေးနွေးပွဲဟာ တစ်နိုိင်ငံလုံးဆိုင်ရာ အပစ်ရပ် စာချုပ်ထဲ ထည့်သွင်း မယ့် အချက်တွေကို ဆွေးနွေးညှိနှိုင်းတာ၊ နည်းပညာ ကျွမ်းကျင်သူတွေက အဓိက ဖြစ်တယ်။ ဒါကြောင့် ဒီ ကိုယ်စားလှယ်တွေလောက်ပဲ တက်တာလို့ ဆိုပါတယ်။

 

ဒေါ်အင်ကြင်းနိုင်။ ။ ဒါတင်မက တိုင်းရင်းသားတွေ ဘက်က ပြောနေကြတာ- လက်ရှိ အစိုးရနဲ့ အပစ်ရပ် စာချုပ်ထဲမှာ ထည့်သွင်းမယ့် အချက်တွေကို ညှိနှိုင်းနေကြတာ မှန်တယ်၊ အစိုးရ ဘက်ကလည်း ဒီအပစ်ရပ် လက်မှတ်ထိုးနိုင်ဖို့ ရည်မှန်းချက်ကြီးတော့ အလျော့ပေးသင့် သလောက် အလျော့ပေးနေ တာလည်း မှန်တယ်၊ ဒါပေမယ့် အစိုးရ ငြိမ်းချမ်းရေးဖော်ဆောင်ရေး အဖွဲ့နဲ့ NCCT သဘောတူထားတဲ့ စာချုပ်မူကြမ်းကို တကယ် အဆုံးအဖြတ်ပေးနိုင်တဲ့ တိုင်းရင်းသား လက်နက်ကိုင် အဖွဲ့ခေါင်းဆောင်တွေရဲ့ အတည်ပြုချက် ယူရဦးမယ်လို့ ပြောဆိုနေကြပါပြီ။ ဒီအတွက် တိုင်းရင်းသား လက်နက်ကိုင်ခေါင်းဆောင် တွေ တွေ့ဆုံနိုင်တဲ့ ထိပ်သီးအစည်းအဝေးပွဲကြီး တစ်ခု ကျင်းပနိုင်ရေး အစိုးရဘက်က ကူညီပေးပါဦးလို့ တောင်းဆိုနေပါတယ်။ လိုင်ဇာ အစည်းအဝေးလို၊ လော်ခီးလာ အစည်းအဝေးလိုမျိုးကို ဆိုလိုတာပါ။ ခြုံငုံပြီးပြောရရင် အစိုးရနဲ့ စစ်တပ်ဘက်က မျှော်လင့်နေသလို လာမယ့် သြဂုတ်လ နောက်ဆုံးထားပြီး တစ်တိုင်းပြည်လုံးဆိုင်ရာ အပစ်ရပ် စာချုပ်တစ်ခု လက်မှတ် ရေးထိုးနိုင်ရေး ဖြစ်မြောက်ချင်မှ ဖြစ်မြောက် မယ် ဆိုတဲ့ အရိပ်လက္ခဏာတွေ ဖြစ်ပါတယ်။

 

ဦးစည်သူအောင်မြင့်။ ။ အခြားတစ်ဖက်မှာလည်း အစိုးရနဲ့ ကေအိုင်အို ဆက်ဆံရေး မကောင်း၊ တင်းမာနေတဲ့ အနေအထားအောက်မှာ ပြဿနာ အသေးလေးလောက်ကနေစ တိုက်ပွဲကြီးတွေ အချိန်မရွေး ပြန်ဖြစ်နိုင်ပြီး လက်ရှိ သွားနေတဲ့ ငြိမ်းချမ်းရေး ဖြစ်စဉ်တွေကို ထိခိုက်နိုင်စရာလည်း ရှိနေပါတယ်။ ဘယ်လိုပဲဖြစ်ဖြစ် မြေဇာပင်ဖြစ်ရမှာက ဒီနေ့ထက်ထိ ဒုက္ခသည်စခန်းတွေမှာ ခိုလှုံနေ ရတဲ့ တိုင်းရင်းသားတွေ၊ ပြည်နယ်နဲ့ နယ်စပ်က တိုင်းရင်းသားတွေနဲ့ ပြည်မက ပြည်သူလူထု တစ်ရပ် လုံးပါ။ နှစ်ဖက် စစ်ဘုရင်တွေကတော့ အနေအစား ပျက်မှာ မဟုတ်ပါဘူး။ ဒီအတွက် တစ်နိုင်ငံလုံး အပစ်အခတ် ရပ်ပြီး သေနတ်သံတွေ တိတ်ဆိတ်သွားရလေအောင်၊ ပဋိပက္ခပြဿနာတွေကို လက်နက် ကိုင်တိုက်ခိုက် တဲ့ နည်းနဲ့မဟုတ်ဘဲ စားပွဲဝိုင်းပေါ် ဖြေရှင်းတဲ့ အခြေအနေဆီ ရောက်လာအောင် နိုင်ငံရေးသမားတွေ၊ လူမှုအဖွဲ့အစည်းတွေတင်မက တိုင်းရင်းသား ပြည်သူတွေကပါ ၀ိုင်းဝန်း တိုက်တွန်း နှိုးဆော်ကြဖို့ လိုနေပြီ ဖြစ်ပါကြောင်း သုံးသပ်တင်ပြလိုက်ရပါတယ်။

http://burmese.voanews.com/content/if-cease-fire-and-peace-talk-going-to-be-real-/1921713.html

Ethnic Groups: Myanmar Military Rejects Any Idea of Federalism

အပစ်အခတ်ရပ်စဲရေး ကြန့်ကြာနေတာ မြန်မာစစ်တပ်ကြောင့်လို့ NCCT ပြောပြီ

တစ်နိုင်ငံလုံး အပစ်အခတ်ရပ်စဲရေး လက်မှတ်ထိုးဖို့ ကြန့်ကြာနေတာ မြန်မာ့တပ်မတော်ရဲ့ ရပ်တည်ချက် ကြောင့်ဖြစ်တယ်လို့ တိုင်းရင်းသားလက်နက်ကိုင် ၁၆ဖွဲ့နဲ့ စုစည်းထားတဲ့ NCCT က ပြောလိုက်ပါပြီ။ မြန်မာ စစ်တပ်ရဲ့ သဘောထားက ဘာလဲ။ ဘာ့ကြောင့် ငြိမ်းချမ်းရေး မရနိုင်တာလဲ။

တစ်နိုင်ငံလုံး အပစ်အခတ်ရပ်စဲရေးဆိုင်ရာ ညှိနှိုင်းရေးအဖွဲ့ NCCT ရဲ့အဖွဲ့ခေါင်းဆောင် နိုင်ဟံသာက မြန်မာတပ်မတော်ဘက်က သဘောထားတင်းမာနေမယ်ဆိုရင် သြဂုတ် ၁ရက်နေ့ နောက်ဆုံးထားပြီး အပစ်ရပ်ရေး လက်မှတ်ထိုးဖို့ မဖြစ်နိုင်ဘူးလို့ ပြောဆိုခဲ့ပါတယ်။ အဓိက ပြဿနာက မြန်မာ စစ်တပ်ဟာ ဖယ်ဒရယ်ဆိုတာကို လုံးဝလက်မခံတာကြောင့်လို့ ဆိုပါတယ်။

သမ္မတနဲ့လွှတ်တော်က ဖယ်ဒရယ်ကို လေ့လာပြီး လက်ခံမယ့် အနေအထားမှာရှိပေမယ့် ပြည်ထောင် စု၊ ဖယ်ဒရယ် စတဲ့ ဝေါဟာရကို အငြင်းပွားတာထက် ဖယ်ဒရယ်စနစ်နဲ့ ဖွဲ့စည်းမယ့် ပုံစံကို မြန်မာ စစ်တပ်က လုံးဝလက်မခံတာဖြစ်တယ်လို့ ဆိုပါတယ်။

တိုင်းရင်းသားတွေဟာ ပြည်ထောင်စုကနေ ခွဲထွက်ရေးကို စဉ်းစားရလောက်အောင် မမိုက်မဲသလို မြန်မာ နိုင်ငံမှာ စုစည်းရပ်တည်မှာ ရမယ်ဆိုတာသိနားလည်တာကြောင့် တန်းတူမျှတရေးရှိမှ အဆင်ပြေမယ်လို့ NCCT အဖွဲ့ဝင် ခွန်ဥက္ကာက ဆိုပါတယ်။

NCCT အဖွဲ့ဝင်တွေဟာ လာမယ့် မေလ ၂၁ရက်နေ့ကျရင် မြန်မာအစိုးရနဲ့ ရန်ကုန်မှာ တွေ့ဆုံတဲ့အခါ အပစ်အခတ်ရပ်စဲရေး သဘောတူစာချုပ် Single Text မှာပါဝင်မယ့် ဝေါဟာရတွေကို အဓိပ္ပာယ် ဖွင့်ဆိုချက်တွေ ပြုလုပ်ဖို့ မြစ်ကြီးနားမှာရှိတဲ့ KIO ဆက်ဆံရေးရုံးမှာ မေလ ၁၄ ရက်နေ့က တွေ့ဆုံခဲ့ကြပါတယ်။

နိုင်ငံရေးဆွေးနွေးပွဲတွေမှာ အာမခံချက်ရှိဖို့ တစ်နိုင်ငံလုံး အပစ်အခတ်ရပ်စဲရေး သဘောတူညီချက် စာချုပ်ကို ရေးဆွဲရာမှာ ဖယ်ဒရယ်တပ်တော်ကိစ္စ တိုင်းရင်းသားတွေဘက်က ထည့်သွင်းချင်တယ်လို့ တာအိုက်ဘုန်းက ဆိုပါတယ်။ ဒါပေမယ့် နှစ်ဖက်သဘောထား မတူညီမှုတွေက အခက်အခဲ တစ်ခုလို ဖြစ်နေတာကြောင့် နှစ်ဖက် အလျော့အတင်းလုပ်နိုင်တဲ့ပေါ် မူတည်ပြီး သြဂုတ်မတိုင်ခင် စာချုပ်ချုပ်နိုင် မချုပ်နိုင် သိနိုင်မယ်လို့ ဆိုပါတယ်။

စစ်ရေး လျော့ချမှု မရှိ ပါက အပစ်အခတ် ရပ်စဲရေး အဆိုးဆုံး အခြေအနေ ရောက်မည်ကို KNPP စိုးရိမ်

စစ်ရေး လျော့ချမှု မရှိ ပါက အပစ်အခတ် ရပ်စဲရေး အဆိုးဆုံး အခြေအနေ ရောက်မည်ကို KNPP စိုးရိမ်

http://www.phophtawnews.org/burmese/
Saturday, 10 May 2014
Written by ဖြူဖြူကို

အစိုးရနှင့် ဆွေးနွေးပွဲ တစ်ခုတွင် KNPP ဒုဥက္ကဋ္ဌ ခူဦးရယ် ဆွေးနွေး နေပုံ - ဓါတ်ပုံ - (KNPP)

လက်ရှိ တိုင်းရင်းသား ဒေသ များအတွင်း အစိုးရ စစ်တပ် များမှ စစ်ဆင်ရေးများ ပြုလုပ် နေခြင်းကြောင့် တိုင်းရင်းသား လက်နက်ကိုင် အဖွဲ့များနှင့် ရရှိ ထားပြီး ဖြစ်သည့် အပစ်အခတ် ရပ်စဲရေး သည်လည်း ပျက်ပြယ် သွားနိုင်မည့် အဆိုးဆုံး အခြေအနေ ဖြစ်လာ နိုင်မည်ကို စိုးရိမ် မိကြောင်း KNPP ဒု-ဥက္ကဋ္ဌ ခူဦးရယ်က ပြောသည်။

“တဖက်က အပစ်အခတ် ရပ်စဲရေးကို ညှိနှိုင်း နေတယ် တဖက် မှာက အစိုးရ တပ်က ထိုးစစ် ဆင်နေတယ်။ အစိုးရ တပ်တွေဘက် ထိုးစစ် ဆင်နေ တာကို မရပ်တန့်ဘူး ဆိုရင် ယုံကြည် မှုတွေ ပျက်ပြား သွားနိုင်သလို အပစ်အခတ် ရပ်စဲ ရေးလည်း ပျက်ပြား သွားနိုင်တယ်လို့ ကျနော် မြင်တယ်” ဟု ခူဦးရယ်က ပြောသည်။

ရှမ်းပြည်နယ် မြောက်ပိုင်းနှင့် ကချင် ပြည်နယ် တောင်ပိုင်း တို့၌ တအာင်း အမျိုးသား လွတ်မြောက်ရေး တပ်မတော် (TNLA) နှင့် ကချင် လွတ်လပ်ရေး ပါတီ တပ်မတော် (KIA) တပ်ဖွဲ့ များနှင့် အစိုးရ တပ်တို့ ထိတွေ့ တိုက်ပွဲများ ယနေ့ ထက်တိုင် ဖြစ်ပွားလျက် ရှိပါသည်။

ယနေ့ နံနက် ၌လည်း ရှမ်းပြည် မြောက်ပိုင်းရှိ KIA တပ်မဟာ (၄) ၏ တပ်ရင်း (၃၆) နှင့် အစိုးရတပ် (စိစစ်ဆဲ) တို့ တိုက်ပွဲ ဖြစ်ပွားလျက် ရှိကြောင်းနှင့် တပ်မဟာ (၄) ဘက်၌လည်း အစိုးရ၏ စစ်အင်အား အဆက် မပြတ် ဖြည့်တင်းလျက် ရှိနေကြောင်း ကချင် လွတ်လပ်ရေး တပ်မတော် စစ်ရုံးချုပ်မှ အမည် မဖော်လိုသည့် အရာရှိ တဦးက ပြောသည်။

“ကျနော်တို့ ရှေ့တန်း တပ်မှူး တွေက နေပြီး အစိုးရ စစ်ဆင်ရေး လုပ်နေတဲ့ အပေါ် သည်းမခံ နိုင်တော့တဲ့ အနေအထားမျိုး ထိတောင် ရောက်လာ နေတယ်” ဟု KIA စစ်ရုံးချုပ် အရာရှိက ပြောသည်။

အစိုးရ ဘက်မှ တစ်ဖက် ၌လည်း စစ်ဆင်ရေး လုပ်နေသည့် အလားတူ လာမည့် မေလ (၁၃) ရက်နေ့၌ ကချင်လွတ်လပ်ရေး အဖွဲ့ ငြိမ်းချမ်းရေး ဖော်ဆောင်ရေး ကော်မီတီ များနှင့် အစိုးရ ငြိမ်းချမ်းရေး ဖော်ဆောင်ရေး လုပ်ငန်း ကော်မီတီတို့ မြစ်ကြီးနား မြို့၌ တွေ့ဆုံရန် အတွက် ပြင်ဆင်လျက် ရှိကြောင်း KIA စစ်ရုံးချုပ် အရာရှိ ကြီးမှ ဆိုပါသည်။

ပြီးခဲ့သည့် မေလ (၉) ရက်နေ့၌ နမ့်ဆမ် မြို့နယ် နမ်းမတွီနှင့် လွတ်ပိတ် ရွာကြား၌ TNLA ၏ တပ်ရင်း (၇၁၇) တပ်ဖွဲ့နှင့် အစိုးရ တပ်မ (၇၇) တပ်ဖွဲ့ များနှင့် တိုက်ပွဲ ဖြစ်ပွား ခဲ့ပြီး အစိုးရ တပ်မှ ထိခိုက်မှု ရှိခဲ့ကြောင်း အထွေထွေ အတွင်းရေးမှူး ဒုတိယ ဗိုလ်မှူးကြီး တာဘုန်းကျော်က ပြောသည်။

ယခု လပိုင်း အတွင်း၌ TNLA ထိန်းချုပ် နယ်မြေတွင် မကြာခဏ ဆိုသလို တိုက်ပွဲ ဖြစ်နေသည့် အတွက် ဒေသခံ ပြည်သူများ လည်း စစ်ပြေး ဒုက္ခသည် အဖြစ် ပုန်းအောင်း နေထိုင် ကြကာ လာမည့် ဇွန်လ ကျောင်းဖွင့်ချိန် အမှီ မိမိတို့၏ သားသသီးများ ပညာ မသင်ကြား နိုင်မည်ကို စိုးရိမ် မိကြောင်း အမည် မဖော်လိုသည့် ဒေသခံ အမျိုးသမီး တစ်ဦးက ပြောသည်။

“စစ်ဖြစ်တော့ ကျမတို့ အရမ်း ဒုက္ခ ရောက်တာပဲ စီးပွားရေး လုပ်လည်း အခက်အခဲ ရှိတယ်။ သွားလာရေးလဲ အခက်ခဲ ရှိတယ်။ အခု ကျောင်းကလဲ ဖွင့်တော့မယ်။ ဒီလို တိုက်ပွဲတွေ ထပ်ဖြစ်ရင် ခလေးတွေကို အရင်နှစ် ကလိုပဲ ကျောင်းမပို့ နိုင်တော့ ဘူးနဲ့ တူတယ်” ဟု သူမက ပြောသည်။

ထိုသို့ တိုက်ပွဲ ဖြစ်ရခြင်းနှင့် စပ်လျဉ်း၍ ကာကွယ်ရေး ဝန်ကြီး ဌာနမှ အကြီးတန်း တာဝန် ရှိသူ တဦးက “ရှမ်းမြောက်နှင့် ကချင်ပြည်နယ် တောင်ပိုင်း တို့၌ တိုင်းရင်းသား လက်နက်ကိုင် များမှ သဘာဝ သယံ ဇာတများအား ခိုးထုတ် နေခြင်း၊ ဌာနေ ပြည်သူ များအား အဓမ္မ တပ်သားသစ် အဖြစ် စုဆောင်း ခြင်းနှင့် ဆက်ကြေး ကောက်ခြင်း တို့ကြောင့်၊ ၎င်းအား အကာအကွယ် ပေးရန် ပြည်သူ များမှ လိုလား သဖြင့် နယ်မြေ စိုးမိုးရေး စစ်ဆင်ရေး လုပ်ရခြင်း ဖြစ်ကြောင်း” ဒီမိုကရေစီ တူဒေး သတင်းစာသို့ ပြောကြား သွားခဲ့သည်။

၎င်းအစိုးရ၏ ပြောကြား ချက်မှာ အစိုးရ တပ်များမှ ဝါဒ ဖြန့်ချီရေးသာ ဖြစ်ကြောင်း UNFC တွဲဖက် အတွင်းရေးမှူး (၂) ဗိုလ်မှူးကြီး ခွန်ဥက္ကာက တုံ့ပြန် ပြောဆို သွားခဲ့သည်။