Jinghpaw Wunpawng Amyusha ni a labau hpe gawn wa yu ai shaloi, amyu sha ni a matu atsam nga ai made shakut shaja lai wa sai ningbaw ningla ni law law nga lai wa yu sai hpe chye lu ai. English Mung Maden ni shang wa ai ten Mungdan hte Amyu sha ni hpe lam woi gasat ninghkap lai wa sai Share Shagan ai Ningbaw ningla ni nga lai wa ai zawn, Japan Mung Maden hpyen bai du yang mung woi awn lai wa sai Amyu sha ningbaw ningla ni law law rai nga ai, dai hte maren 1961 ning kaw na Myen Mung Maden Gum-shem Hpyen ni hpe ninghkap gasat nga ai majan ni hta mung amyu sha ningbaw ni law law nga lai wa sai, ya mung kam hpa ging ai amyu sha ningbaw ningla ni hte rau rai nga ga ai. Mau na zawn re Karai Kasang kaw na shaman chyeju hte amyu sha ni hpe woi awn nga ai Ningbaw kaba Lanyaw Zawng Hra, Du Kaba Gunhtang Gam Shawng, Du kaba Sumlut Gun Maw ni hpe jinghpaw Wunpawng amyu sha ni yawng ngu na daram tsawra kam hpa chye shajang ai zawn kaga amyu a ningbaw ningla kaja ni mung law law dan pru wa nga sai.
November Shata praw (9)ya jahpawt Myen Hpyen Dap shangun ai bungli ni hpe nhprai ai sha galaw ya nga ai Slg. Zahkung Ting Ying hte Slg. Lasang Awng Wa yan galaw ai zuphpawng hta mung, dai zuphpawng a yaw shada lam hte nhtan shai nna Jinghpaw Wunpawng Amyu sha ni a ningbaw ningla kaja ni dan dawng pru wa nga sai hpe na chye lu ai shaloi ndang tsun hkra kabu nngai.
Ndai Mung shawa zuphpawng gaw Myitkyina Muklum Daju e Myen Asuya kaw na shadut hkyen lajang ya nna galaw ai zuphpawng re hpe nsan sha kadai tim sawn la mai nga ai. Myen Mungdan ting a matu teng man ai hku tang madun lu ai mungdan rapdaw ngu ai pyi nnga shi ai ten hta Jinghpaw Wunpawng amyu sha ni a ningmu hpe chye mayu nna Myen Hpyenla ni a Sanat Pyawng man ang, YMCA e galaw ai zuphpawng ndai kaw sa du na matu salang (80) jan hpe saw shaga tawn ai raitim marai (40) daram sha sa du pru ai rai nna zuphpawng hpe marai (17) daram hte sha hpungdim la ai gaw hpa majaw rai kun? Tinang a hkum ningbaw kaba ngu hkam la ai salang yan hpe kamhpa ai lam madun ai mahtang kun? zuphpawng sa wa ai shawa hpe jaw garan ai laika hpe yu yang mung tinang amyu sha ga hpe pyi atsawm chye ka ai nre majaw Myen hte jinghpaw gayau gaya rai ka tawn ai laika hpe bai garan jaw, baili baila ngu bai htawn tsun,.. re ai majaw poi nbyin ai wa rai kun? 2011 ning July shata Laiza e galaw ai Mung shawa zuphpawng hta Wunpawng Mungdan shara shagu na marai 140 grupyin sa du ai zuphpawng hte Wa-Shakap shai ai gaw hpa majaw wa rai kun?
Dai jahpawt YMCA zuphpawng hta shang lawm ai raitim zuphpawng hta garan jaw ai laika kaw na KIA hpe majan gap ai lam japhoi ahpyak tawn ai hpe mahtang ninghkap dinglun nhtawm hpa majaw KIA ni ninghkap gasat ra ai lam, kadai mahtang majan gasat na matu galaw nga ai lam, kadai mahtang ndai majan hpe jahkring ra ai lam ni hpe magrau grang grang tang madun mat wa ai Jinghpaw Wunpawng Amyu sha ni a ningbaw ningla kaja ni dan pru wa sai hpe na lu ga ai majaw Karai Kasang hpe kalang lata chyeju dum dat nngai.
Howa Du Wa Zau Gam, Sarama Kaba Nhpan Ja Ra, Salang Myitung Tu…. ndai ningbaw ningla ni gaw daini YMCA zuphpawng kaw na amyu sha ningbaw ningla kaja ni re ngu ai hpe Jinghpaw Wunpawng Amyu sha ni a lapran shiga ndai kabu gara lawan dik ai hku daini chyam bra nga sai. teng sha wa nga yang shanhte ni a amyu hpe tsawra ai hte maren amyu sha bungli ni hpe kangka htep lahti galaw ai lam ni gaw ya sha nrai nga masai hpe sagawn chye lu nga ai.
November Shata praw (9)ya jahpawt Myen Hpyen Dap shangun ai bungli ni hpe nhprai ai sha galaw ya nga ai Slg. Zahkung Ting Ying hte Slg. Lasang Awng Wa yan galaw ai zuphpawng hta mung, dai zuphpawng a yaw shada lam hte nhtan shai nna Jinghpaw Wunpawng Amyu sha ni a ningbaw ningla kaja ni dan dawng pru wa nga sai hpe na chye lu ai shaloi ndang tsun hkra kabu nngai.
Ndai Mung shawa zuphpawng gaw Myitkyina Muklum Daju e Myen Asuya kaw na shadut hkyen lajang ya nna galaw ai zuphpawng re hpe nsan sha kadai tim sawn la mai nga ai. Myen Mungdan ting a matu teng man ai hku tang madun lu ai mungdan rapdaw ngu ai pyi nnga shi ai ten hta Jinghpaw Wunpawng amyu sha ni a ningmu hpe chye mayu nna Myen Hpyenla ni a Sanat Pyawng man ang, YMCA e galaw ai zuphpawng ndai kaw sa du na matu salang (80) jan hpe saw shaga tawn ai raitim marai (40) daram sha sa du pru ai rai nna zuphpawng hpe marai (17) daram hte sha hpungdim la ai gaw hpa majaw rai kun? Tinang a hkum ningbaw kaba ngu hkam la ai salang yan hpe kamhpa ai lam madun ai mahtang kun? zuphpawng sa wa ai shawa hpe jaw garan ai laika hpe yu yang mung tinang amyu sha ga hpe pyi atsawm chye ka ai nre majaw Myen hte jinghpaw gayau gaya rai ka tawn ai laika hpe bai garan jaw, baili baila ngu bai htawn tsun,.. re ai majaw poi nbyin ai wa rai kun? 2011 ning July shata Laiza e galaw ai Mung shawa zuphpawng hta Wunpawng Mungdan shara shagu na marai 140 grupyin sa du ai zuphpawng hte Wa-Shakap shai ai gaw hpa majaw wa rai kun?
Dai jahpawt YMCA zuphpawng hta shang lawm ai raitim zuphpawng hta garan jaw ai laika kaw na KIA hpe majan gap ai lam japhoi ahpyak tawn ai hpe mahtang ninghkap dinglun nhtawm hpa majaw KIA ni ninghkap gasat ra ai lam, kadai mahtang majan gasat na matu galaw nga ai lam, kadai mahtang ndai majan hpe jahkring ra ai lam ni hpe magrau grang grang tang madun mat wa ai Jinghpaw Wunpawng Amyu sha ni a ningbaw ningla kaja ni dan pru wa sai hpe na lu ga ai majaw Karai Kasang hpe kalang lata chyeju dum dat nngai.
Howa Du Wa Zau Gam, Sarama Kaba Nhpan Ja Ra, Salang Myitung Tu…. ndai ningbaw ningla ni gaw daini YMCA zuphpawng kaw na amyu sha ningbaw ningla kaja ni re ngu ai hpe Jinghpaw Wunpawng Amyu sha ni a lapran shiga ndai kabu gara lawan dik ai hku daini chyam bra nga sai. teng sha wa nga yang shanhte ni a amyu hpe tsawra ai hte maren amyu sha bungli ni hpe kangka htep lahti galaw ai lam ni gaw ya sha nrai nga masai hpe sagawn chye lu nga ai.
Maigan du Myen Amyu sha ni a Tsawdik Amyusha masat masa hte Noble Peace Prize
Jinghpaw Wunpawng Amyu sha ni hpe sanat laknak hte sat shamyit nga ai Myen Hpyen ni hpe ninghkap gasat padang dip woi na Amyu sha hpyen hpung hte hpyen jaubu ningbaw ningla ni hpe jaw ya ai zawn, Mare buga Mung shawa hpe ndai aten lam woi na ningbaw ningla ni hpe shalat dat ya ai Karai Kasang a hpung shingkang gaw kaba la nga ai.
Daini anhte amyu sha ni hta magrau grang grang amyu sha lam hta woi awn na ningbaw ningla kaja law law dan pru wa ra nga ai ten rai nga mali ai hte maren, dan dawng ai hku karai kasang jaw ya nga sai ndai ningbaw ningla ni hpe myit n-gang mung kahtap bang ya, n-gun jaw hkap tau la ai hku nna Share shagan masat masa shagrau kumhpa ni hpe myit hpang, galaw hpang wa ra sai ten mung rai nga saka ai.
Mungdan kata/ shinggan nga pra ai Jinghpaw Wunpawng amyu sha ni hku nna ya ten hta hpyen tsin yam mung masha ni hpe n-gun myi alu jawm garum nga ai hte maren Satan Myen Hpyen ni hpe ninhkap gasat nga ai shawnglam share shagan ni a hpang lam dinghku kashu kasha ni hpe mung anhte nmai ngam tawn na ga ai. June shata praw(9)ya kaw na hpang wa ai majan ndai gaw shata(6) de pyi lau shang wa nga sai. Kanu Dapnu KIO/KIA kaw na Padang Majan Masing a matu gu-ji gu-yang lit la hpareng nga ai ten, anhte mung shawa ni hpabaw mai galaw nga ai kun? gara daw hpe lit la mai nga ai kun? Amyu sha yawng she shang lawm ai majan ndai gaw Mungdan langai nbyin pru wa na re ngu kadai tsun gwi na rai ta?
Malizup Baren Ninggawn
November 10, 2011
No comments:
Post a Comment