Tammy Duckworth:Magrau grang ai Myu Shayi

Tammy Duckworth gaw Thai – American amyu sha rai nna .2012 US Mungdan Ra Lata poi hta Illinois mungdaw kaw na US House of Representatives lata hkrum ai wa rai nga ai.

US-Iraq Majan ten hta Black Hawk gawt nhtawm majan gasat lawm nga yang shi a hpyen pyenli hpe hpyen ni a rocket wa hkra mat ai hpang shi nan mung hkala  hkrum ai raitim asak nsi ai sha majan kaw na asak bai lawt wa ai num hpyen ninghkring langai mung rai nga ai.

Num ni a atsam hpe madun mai ai ahkaw ahkang, masa, ginra hte shinggyim ahkaw ahkang hpe manu shadan ai shinggyim uhpawng ni hta law law mu lu nga ai. Anhte Jinghpaw Wunpawng labau hta mung "Lawhkum Ja Dim" "Sumhka Hkawn" zawn re ni nga lai wa yu sai zawn anhte a prat ban hta mung law law naw pru wa lu hkra anhte yawng lam hpaw, n-gun jaw ra ai.(Jinghpaw WP ni a labau hta Lawhkum Ja Dim gaw "Gumchying Gumsa dawm nna Gumlau Majan byin ai ten majan jaubu galaw wa yu sai Num Jau Bu re.)

Laika ndai ka ai ngai nan gaw Republican nre zawn Democratic mung nrai nngai US mungdan de n-gaw htawt wa ai (10)ning sha naw re majaw grai naw hkaja rana tai ai majaw Independent hku nna, ya du hkra naw tsap nga nngai. Republican ni hta ningra ai lam law law nga ai zawn Democratic ni hta mung ngai hkam la tawn ai makam masham hte ram ram nhtan shai ai policy lawm ai majaw Independent hte naw myit pyaw nga nngai.

Yu Maya Hpyen Magam gun Dingsa