Myen Hpyen Dap hpe Chyu Pala Laknak, Ja
gumhpraw madi shadaw nga ai Tsadan Kaba Tay Za
AGD Bank, Air Bagan hpaga bungli kaba hte Myen mungdan hta e hpaga bungli kaba ni law law madu tawn ai Tay Za ngu ai Tsadan kaba gaw Myen Asuya hte Myen Hpyen Dap a matu ahkyak dik sai lam zawn rai nga ai Myen Zahti kaba langai rai nga ai. Ndai Tay Za ngu ai yuk jahtuk re ai wa gaw Myen hpyen du kaba ni hte Asuya ningbaw ningla ni a tinggyeng hpaga, ja gumhpraw ni hpe jahpring ya ai wa mung rai nga ai. Jinghpaw Wunpawng Mungdan kata na Ja, Lung-seng, Nhprang sut-rai yawng hpe madu lu na matu sha n-ga Putao ginra de na Hkyen Bum ni yawng hpe la-ba ka-up madu lu na matu gaw Wunpawng Mungdan Shanglawt Hpung/ Dap(KIO/KIA) hpe shawng shamyit kau ra ai ngu ai hpe madi shadaw ai wa rai nna ndai majan hta lang ra ai Chyu pala laknak hte ja gumhpraw arang yawng hpe madung hku nna shaw jaw garum taw ai Myen Myutsaw langai rai nga ai, sumla hta mu ai check kaba gaw Jinghpaw Mung e Jinghpaw Wupawng amyu sha ni hte KIO/KIA hpe sat nat zingri nga ai shawnglam na Myen Hpyen la ni hpe shagrau ai kumhpa rai nga ai, anhte Wunpawng amyu sha ni gaw gwi gayet yang shingna malap.. myit mi amu nmai nga na re, Tay Za ngu ai wa gaw Jinghpaw Wunpawng Amyu sha ni a matu Tsadan Kaba ni kaw na marai langai re hpe asan sha chye na, matsing nhtawm aten, shara nlata ai sha sai hka hpe bai hpyi la ra na nmalap ga.
No comments:
Post a Comment