Written by KNE
2012 ning June (9) ya shani, KIO Ginjaw ginra, Laiza Muklum hta “Ninghkap Shingla Majan Laning Mi Hpring Chyeju Shakawn Akyu Hpyi Hpawng” galaw ai lam hpe chye lu ai.
Ndai akyu hpyi hpawng gaw, KIA hte Myen Mung Asuya majan byin ai laning mi ladu hkrum du sai rai nna, Wunpawng Mungdan de htim gasat shang wa ai Myen Mung Asuya hpyen hpung hpe ninghkap shingla shagrawt gasat ai majan hta Karai kasang makawp maga ya ai majaw, laning mi tup Karai Kasang a shaman chyeju majaw awngdang ai hte ninghkap shingla majan hkam la lu ai hpe, chyeju shakawn ai hte Wunpawng Mungdan Shanglawt Hpung Ginjaw Komiti Salang ni, Shawng lam hpang lam magam gun kaji kaba ni hte Wunpawng Amyu Sha yawng hpe Karai Kasang bau sin nga na matu Kanu Kawa Hpung woi sara ni kawn kyuhpyi ya ai lam hpe chye lu ai.
2011 June (9) ya shani Sang Gang, Bum Sen kaw Myen Hpyen Dap ni KIO hpe htim gasat wa ai Laning mi ladaw laman Wunpawng Mungdan Shanglawt Hpung magam gun masha ni hte Wunpawng amyu sha ni shut hpyit kau ai mara hpe Karai Kasang kaw hpyi nyem tawng ban akyu hpyi la ai lam re hpe chye lu ai.
Matut nna Wunpawng amyu sha mungmasa shawnglam a matu Karai Kasang kaw shaman chyeju wunli la, ap nawng ai hpe chye lu ai.
Ndai akyu hpyi lamang hpe KIO Uphkang ginra Ginwang Ginjaw, Ninghtawn shagu, Mungdan ting hte Nawku Hpung shara shagu ni hta KIO Ginjaw Komiti kaw nna, 2012 June (9) ya jahpawt hkying (7:00) am aten, kyuhpyi lamang galaw na matu saw lajin tawn da ai lam hpe chye lu ai.
No comments:
Post a Comment