June 22, 2012
Southern Baptist Convention(SBC) a 2012 ning Zuphpawng Kaba hpe June Shata 19-20, 2012 ya laman Louisiana Mungdaw New Orlean Mare hta galaw lai wa sai lam hpe zuphpawng hta shanglawm ai Sara Labya La Seng kaw na chye lu ai. Ndai Zuphpawng hta shanglawm lu ai sha n-ga tinang Jinghpaw Mung hta byin hkrum sha nga ai Mung Masa, Hpyen Masa hte tsinyam tsindam lam ni hpe mung report tang tawn lu sai lam matut chye lu ai.
Southern Baptist Convention(SBC) ngu ai gaw mungkan Hkalup Hkristan Nawku Hpung ni hta kaba htum ai Nawku Hpung langai rai nna, Nawku Hpung shang masha yawng 16.6 millions re hpe chye lu ai. Laklai ai lam langai hku nna 167 ning na wa sai ndai Southern Baptist Convention (SBC) hta shawng kalang na African-American Ningbaw Nnan hpe lata san tawn lu sai lam rai nga ai, ndai magam bungli a jaw e kata lam Shanhpraw – Shanchyang Amyu Lachyen Lahka byin nga ai manghkang a ntsa kahkyin gumdin ai lam kaba langai hpe galaw dat ai re ngu nna mungkan ting na Hkalup Hkristan Shiga lawk hta kajai gumhkawng nga ai lam hpe mung chye lu ai. Ndai nnan lata san tawn sai SBC Ningbaw Nnan gaw, Fred Luter ngu ai wa rai nna Franklin Avenue Baptist Church (New Orleans) hta woi awn nga ai Pastor re hpe chye lu ai.
Pastor Fred Luter
Overseas Kachin Association
No comments:
Post a Comment